Sikke (útspr.: [ˈsɪkə]) is in ridlik algemien foarkommende Fryske jongesnamme. Dizze namme hat him ûntjûn út in ferkoarting en flaaifoarm fan Germaanske foarnammen dy't begjinne mei Sigi-, wat "oerwinning" betsjut.Haan, Rienk de, Fryske Foarnammen, Ljouwert, 2002 (Friese Pers Boekerij), ISBN 9 03 30 11 506, s. 104. Sikke stammet fan deselde wurdfoarm ôf as it Fryske haadwurd "sege" (ek Nederlânsk zege en Dútsk Sieg). De ekwivalinte Nederlânsktalige nammefoarm is Sicco, dy't fan oarsprong út Grinslân (en mooglik Drinte) stammet, en beskôge wurde kin as in fernederlânsking fan 'e âldere Fryske foarm.
Troch de sterke ynfloed fan it Nederlânsk yn Fryslân binne Fryske lju dy't fan Sikke hieten, bûten de provinsje faak bekend wurden as Sicco. Sa is it bygelyks gien mei de diplomaat Sikke van Goslinga, dy't bûten Fryslân bekendstiet as 'Sicco van Goslinga'.Waling Dykstra, Uit Friesland's Volksleven, Ljouwert, 1895 (Uitgeverij M.A. van Seijen), s. 76. Dat wie gjin isolearre ûntwikkeling, mar in algemien gebrûk, en itselde barde mei dragers fan oare typysk Fryske nammen. Sa kaam de tsjerkeherfoarmer Minne Simens bûten Fryslân bekend te stean as 'Menno Simons',Hendrik Twerda, Fan Fryslâns Forline, Bolsward, 1968 (Utjowerij A.J. Osinga), s. 128. in beneaming dy't sa ynfloedryk wie dat er no sels yn Fryslân meastal sa neamd wurdt.
De Fryske famkesnamme dy't ekwivalint is oan Sikke, is eins Sikje,Rienk de Haan, Fryske Foarnammen, Ljouwert, 2002 (Friese Pers Boekerij), ISBN 9 03 30 11 506, s. 104. mar dat is in namme dy't sa seldsum is, dat men him frijwol nea mear heard. In modernere Fryske famkesnamme dy't basearre is op Sikke, is Sikkelina.Rienk de Haan, Fryske Foarnammen, Ljouwert, 2002 (Friese Pers Boekerij), ISBN 9 03 30 11 506, s. 104.
Minsken mei de namme Sikke Sikke Douwes Sjaardema (1328-±1422), Frysk ealman en lieder fan 'e Skieringers Sikke van Goslinga (1664-1731), Frysk ealman, diplomaat en politikus Sikke Sleeswijk (1841-1908), Frysk abbekaat en rjochter Sikke Sibes Koldijk (1861-1927), Frysk arsjitekt en dichter Sikke Bruinsma (1889-1963), Frysk sportsjitter Sikke Smeding (1889-1967), Frysk lânboukundich yngenieur Sikke Venema (1937-1999), Frysk fuotballer Sikke Doele (1942-2002), Frysk skriuwer en dichter
Kategory:Fryske jongesnamme