Sighetu Marmației, ek wol Sighet, is in stêd yn it distrikt Maramureș yn Roemenië tsjin de grins mei Oekraïne, yn de Theissdelling. De stêd wie oarspronklik Hongaarsk en hjitte doe Máramarossziget. It wie de haadstêd fan it komitaat Máramaros. Sûnt de Earste Wrâldoarloch beheart de stêd ta Roemenië, útsein in Hongaarske perioade yn de Twadde Wrâldoarloch. De Hongaren foarmen oant de Twadde Wrâldoarloch de mearderheid fan de befolking.
Oan de noardkant fan de rivier leit it stedsje Solotvyno yn Oekraïne. De brêge tusken beide stêden waard yn 1944 ferwoastge. Earst yn 2007 wie in nije brêge klear.
Demografy Histoaryske befolking neffens de folkstellingen fan:
1910 - 21370 1930 - 27270 1948 - 18329 1956 - 22361 1966 - 29771 1977 - 38146 1992 - 44185 2002 - 41246 2011 - 37640
De stêd hat 37.640 ynwenners yn 2011.gegevens folkstelling 2011 Roemenen - 82.2% Hongaren - 13% Oekraïners - 2.3% Roma - 1.5%
Neffens de folkstelling fan 1910 hie de stêd 21.370 ynwenners; de befolking bestie út 17.542 (82.1%) Hongaarsktaligen, 2.002 (9.4%) Roemeensktaligen, 1.257 (5.9%) Dútsktaligen en 32 Roeteensktaligen. It tal joaden wie 7.981; sy hearden ta de Hongaarsk- en Dútsksprekkers. Der wiene doe 5.850 Gryksk-Katoliken en 4.901 Roomsk-Katoliken.Atlas and Gazetteer of Historic Hungary 1914, Talma Kiadó ISBN 963-85683-4-8
Stedsbyld
Berne yn Sighetu Marmației Moshe Teitelbaum (1914-2006), joadsk rabbyn Elie Wiesel (1928-2016), joadsk skriuwer fan boeken oer de Holocaust, filosoof Géza Frid (1904-1989), Hongaarsk-Nederlânsk komponist György Jakubinyi (1946), aartsbiskop fan Alba Iulia
Kategory:Plak yn Roemeenje