De American Book Award is in Amerikaanske literatuerpriis dy't op jierlikse basis útrikt wurdt oan in stikmannich auteurs foar in 'treflike literêre prestaasje', sûnder rekken te hâlden mei ras, sekse, etnisiteit of sjenre.
De tawizing en útrikking fan 'e priis wurdt ferrjochte troch de Before Columbus Foundation. De American Book Award waard ynsteld yn 1978 en foar it earst útrikt yn 1980. Neffens de offisjele webside fan 'e priis binne der "gjin kategoryen, gjin nominearden, en sadwaande ek gjin ferliezers".
Under de skriuwers dy't de priis alris wûnen, binne Isabel Allende, James Welch, Miles Davis en Joy Harjo. Foar in folsleine list mei winners, sjoch op dizze side, op 'e Ingelske Wikipedy.
Keppelings om utens Offisjele webside fan 'e American Book Awards
Kategory:Amerikaanske literatuerpriis Kategory:Priis of ûnderskieding ynsteld yn 1978