Militêre Loftfeart fan it Keninklik Nederlânsk-Yndysk Leger

De Militêre Loftfeart fan it Keninklik Nederlânsk-Yndysk Leger (yn 't koart: ML-KNYL) wie in selsstannich wapen dat 30 maart 1939 oprjochte waard en fuortkaam út de Loftfeartôfdieling-KNYL (LA-KNYL) en dêrfoar de Proeffleanôfdieling (PVA-KNYL). De PVA-KNYL waard by Keninklik Beslút fan 18 july 1914 oprjochte.

Nei de soevereiniteitsoerdracht yn 1950 hat de ML-KNYL al har materieel, bases en fierdere eigendommen oerdroegen oan de Yndonesyske Loftmacht (AURI = Angkatan Udura Republik Indonesia), dy't no fan Tentara Nasional Indonesia-Angkatan Udara (TNI-AU) hjit.

Twadde Wrâldkriich Op 1 jannewaris 1942 kamen de Nederlânske troepen by de American-British-Dutch-Australian Command, mar by it begjin fan de Japanske oanfal wie de ML-KNYL net op oarlochssterkte. Fan de bestelde tastellen wiene noch mar in lyts tal ôflevere en in protte wiene wilens ferâldere modellen. Der wiene fiif groepen, trije mei bommesmiters en twa mei jachtfleanmasines, elts mei trije as fjouwer squadrons.Broshot, James A. Dutch Air Force Order of Battle in the Dutch East Indies, 30 novimber 1941. Forgotten Campaign: The Dutch East Indies Campaign 1941-1942 In sechde groep wie foar stipe, transport en trening ornearre. De ferkenningsfleantugen foelen streekrjocht ûnder it befel fan it leger meidat sy tsjinnen ta it ûnderstypjen fan de grûntroepen.

Nei de oermastering fan Ynje troch de Japanners koene in protte tastellen nei it noarden fan Austraalje ûntkomme en dêrwei fierder fjochtsje.

Der waarden fjouwer Nederlânske squadrons yn Austraalje foarme. De earste, No. 18 (NY) Squadron RAAF, waard foarme yn april 1942 en útrist mei de middelswiere bommesmiter B-25 Mitchell. It twadde Australysk-NY squadron, No. 119 (NY) Squadron RAAF, krige ek middelswiere bommesiters ta foldwaan. No. 119 NY Squadron wie allinne aktyf tusken septimber en desimber 1943; dêrnei waard it ûntbûn en waard it No. 120 (NEY) Squadron RAAF, in jachtsquadron. Yn 1944 foarme it KNYL it No. 1 Nederlânsk East-Ynjesk Transport Squadron, dat letter opgean soe yn de RAAF as No. 19 (NY) Squadron RAAF. Beide squadrons, No. 18 en No. 120, wiene aktyf yn de striid tsjin de Japanners yn de Twadde Wrâldoarloch.

Fanôf neijier 1945, fjochten de squadrons 18, 19 en 120 tsjin de Yndonezyske nasjonalisten, yn de Yndonezyske ûnôfhinklikensstriid. Yn 1950 waarden de squadrons opheft.

Fleantugen fan it KNIL (PVA,LA en ML) AVRO 540K AVRO 504 Brewster (Buffalo) B-339C/D (→ Brewster F2A Buffalo) Brouckère no.1 & no. 2 (type Ferkenner en Lesfleantúch) Bücker Jungmann Commonwealth CA-6 Wacketts Curtiss P-6E Hawk Curtiss P-40E/40N (Kittyhawk) Curtiss Hawk H75A-7 Curtiss-Wright CW-21B (Demon) Curtiss-Wright CW-22 (Falcon) Deperdussin-Brouckère Monoplane Douglas C-40 Douglas C-47 Dakota Douglas C-54 Skymaster Douglas DC-3D Farman F22 (boud troch Trompenburg) Fairchild F-24R-9 Glenn Martin TE/TA/TT/R Glenn Martin 139/166 De Havilland DH-9 Hawker Hurricane IIb Fokker C.IV Fokker C.V/VD/VE Fokker C.X Fokker D.VII Fokker D.XXI Fokker DC-1 Fokker F-VIIb-3m Fokker S.IV Ki-57 Topsy 801 Nationale Vliegtuig Industrie FK-31 Koolhoven FK-51 Lockheed 212 Lockheed L-12A Lockheed L-18 Lodestar Lockheed C60 Lodestar Morane Saulnier Ar-35-EP-2 Messerschmitt Bf-108B-1 Mustang P-51D /51K Noorduyn Norseman North American AT-16 Harvard North American B-25 (Mitchell) C/D/J Pander D Piper 1-4E Piper L-4J Ryan STM-2 Trainer Taylorcraft L-2M Grasshopper Tiger Moth Vickers Viking Waco EGC-7 Waco UKC

Kommandanten 1915 Kaptein C.E. Visscher 1917 Kaptein C.L. Vogelesang 1919 Kaptein C. van Houten 1921 Kaptein J.A. Roukes 1924 Kaptein P.F. Hoeksema de Groot 1927 Majoar J. Beumer 1928 Luitenant-Kolonel J.H. Wesseling 1932 Majoar G.A. Ilgen 1934 Generaal-majoar L.H. van OyenKlemen L. Air Force Lieutenant-General Ludolph H. van Oyen, Forgotten Campaign: The Dutch East Indies Campaign 1941-1942 1945 Majoar-Generaal E.T. Kengen 1946 Kolonel P.J. de Broekert 1948 Majoar-Generaal C.W. van der Eem

Fleanfjilden fan it ML-KNYL Fleanbasis Andir, yn Bandoeng - West-Java Fleanbasis Kalidjati - West-Java Fleanfjild Tjililitan, yn Meester Cornelis - West-Java Singosari Fleanfjild, Malang - East-Java Maospati Fleanfjild, Madioen - East-Java Semplak Fleanfjild, Buitenzorg - West-Java Singkawang II, West-Borneo Samarinda II, East-Borneo Lake, Ambon Tarakan, West-Borneo

Kategory:KNYL Kategory:Skiednis fan Yndoneezje Nederlansk-Ynje Kategory:Organisaasje oprjochte yn 1939 Kategory:Organisaasje opheft yn 1950

Militêre Loftfeart fan it Keninklik Nederlânsk-Yndysk Leger

Bron en licentie