Museum van Bommel van Dam is in museum foar moderne keunst yn Fenlo yn de Nederlânske provinsje Limburch dêr't skilder- en tekenkeunst, byldhoukeunst en fotografy útstald wurdt. It is in ûntwerp fan Jos van Hest
It museum is 16 oktober 1971 oprjochte troch it Amsterdamse pear Maarten en Reina van Bommel-van Dam, dy't nei de Twadde Wrâldoarloch út ein setten mei sammeljen fan keunst. Maarten van Bommel wie bankier en in leafhawwer fan keunst.
Yn 1969 wie harren wente yn Amsterdam te lyts wurden foar de kolleksje. It pear besleat doe om harren goed 1100 skilderijen, tekeningen, printen en bylden oan de gemeente Fenlo te skinken ûnder it betingst dat de samling plak yn in museum krije soe, der in wenning njonken it museum foar it pear beskikber kaam en se frije tagong ta it museum krigen fia in binnendoar. Yn 1971 waard it nei it pear ferneamde museum iepene.
Maarten van Bommel is yn 1991 ferstoarn. Syn frou Reina van Bommel (Voorthuizen, 31 desimber 1910), rekke op 29 july 2008 wei. It museum die mei oan it Dútsk-Nederlânsk gearwurkingsprojekt Crossart tusken 2004 en 2010.
Sûnt 2014 kin elts dy't dat wol in stik muorre yn it museum hiere.Dagblad De Limburger - Limburgs Dagblad
Ferhuzing en privatisearring Sûnt 1 novimber 2017 is it museum tydlik sletten fanwegen de ferhuzing nei it tsjinoerlizzende eardere Haadpostkantoar Keulse Poort. Neffens it plan hie it museum ein 2019 wer iepen wêze moatten. Tagelyk waardt it museum privatisearre. De museumstichting woe in oare koers farre om mear besikers te lûken.Museum van Bommel van Dam definitief naar postkantoor,11 Limburg, 26 septimber 2017 Op 5 septimber 2021 waard it museum op de nije lokaasje weriepene.
Kategory:Fenlo Kategory:Museum yn Limburch (Nederlân) Kategory:Organisaasje oprjochte yn 1971 Kategory:Bouwurk yn Fenlo (gemeente) Kategory:Bouwurk út 1938