Onno Reint Alberda van Ekenstein (Grins, 3 febrewaris 1752 – Tjamsweer 21 oktober 1821) wie in Nederlânsk jonkhear, bestjoerder en politikus.
Libben Onno Alberda van Ekenstein wie in soan fan Onno Joost Alberda van Ekenstein en Anna Maria Hora. Syn karriêre sette út ein mei it lidmaatskip fan de Kommitearre Rieden. Dêrnei wie er lid fan de provinsjale Rekkenkeamer fan Grinslân en fan 1784 oant 1795 fan de Deputearre Steaten fan Grinslân, siet ek yn de Generaliteitsrekkenkeamer. Fan 2 maaie 1814 oant 1 septimber 1815 hie Alberda van Ekenstein in sit yn de Steaten-Generaal fan de Feriene Nederlannen en fan 21 septimber 1815 oant 21 oktober 1821 wie er lid fan de Eerste Keamer fan de Steaten-Generaal.
Alberda van Ekenstein boaske 3 july 1772 oan Maria Albertina fan Berchuys. Sy krigen acht bern, ûnder oaren Willem Alberda van Ekenstein (1792-1869). De húshâlding wenne op hûs Ekenstein yn Tjamsweer. Hy wie in skoanheit fan Antoon Anne van Andringa de Kempenaer en pake fan Tjaard Anne Marius Albert van Andringa de Kempenaer.
Njonkenfunksjes Lid fan it Kolleezje fan Kuratoaren fan de Hegeskoalle Grins, fan 1780 oant 1795 Lid fan de Ridderskip fan Grinslân, fan 1814 oant 1821
Underskieding Ridder yn de Oarder fan de Nederlânske Liuw
Kategory:Nederlânsk politikus Kategory:Politikus yn it Feriene Keninkryk fan de Nederlannen Kategory:Earste Keamerlid Kategory:Nederlânske adel Kategory:Grinslânsk persoan Kategory:Ridder yn de Oarder fan de Nederlânske Liuw Kategory:Persoan berne yn 1752 Kategory:Persoan stoarn yn 1821