De Crow Creek Sû Stamme (Ingelsk: Crow Creek Sioux Tribe) is in federaal erkende Yndiaanske stamme-organisaasje yn 'e Feriene Steaten, mei in eigen reservaat yn 'e steat Súd-Dakota.
Algemien De organisaasje, dy't oprjochte waard yn 1862, hat 3.400 leden, en it haadkertier is fêstige yn Fort Thompson (Westlik Dakota: Čuŋkičakse), yn Súd-Dakota. De leden besteane út etnyske Sû (Sioux), allegearre Westlike Dakota fan 'e Neder-Janktonai substamme fan 'e Janktonai. De Crow Creek Sû Stamme foarmet mei tsien oare Sû-organisaasjes de Feriene Sû Stammen.
Reservaat It reservaat fan 'e Crow Creek Sû Stamme is it Crow Creek Yndianereservaat (Crow Creek Indian Reservation) fan sintraal Súd-Dakota, dat in oerflak hat fan goed 500 km², en dêr't yn 2004 likernôch 1.200 minsken wennen. Oars as de oare fiif Sû-reservaten yn sintraal en westlik Súd-Dakota, dy't oarspronklik diel útmakken fan it yn 1868 stifte Grutte Sû Reservaat, hat it Crow Creek Reservaat dêr altyd los fan bestien. Feitliks is Crow Creek âlder as it Grutte Sû Reservaat, mei't it al yn 1862 stifte is. Mei in eigen kasino en ferskate archeologyske opgravings lûkt Crow Creek in soad toeristen.
Keppelings om utens ● Offisjele webside fan 'e Crow Creek Sû Stamme
Kategory:Dakota-stamme Kategory:Amerikaanske Yndianestamme mei federale erkenning Kategory:Yndiaanske stamme-organisaasje yn Súd-Dakota Kategory:Organisaasje oprjochte yn 1862