De kobisten (wittenskiplike namme: Bovinae, miskien better bekend ûnder Nederlânske beneaming runderen) foarmje in ûnderfamylje fan 'e klasse fan 'e sûchdieren (Mammalia), it skift fan 'e evenhoevigen (Artiodactyla) en de famylje fan 'e holhoarnigen (Bovidae), dêr't û.o. de domestisearre ko ta heart. Kobisten ûnderskiede harren troch spjalten hoeven en oer it algemien kromme hoarnen sûnder fertakkings by teminsten ien fan 'e geslachten.
Harren evolúsjonêre skiednis is yn ferhâlding ta oare taksonomyske ûnderfamyljes frij obskuer, trochdat der gauris noch natuerlike krusingen mei besibbe soarten plakfûn hawwe nei't de oarspronklike evolúsje ta soarte al ôfrûne hie. Kobisten binne lânseigen yn Aazje, Afrika, Jeropa en Noard-Amearika. De grutste soarte is de Aziatyske gaur, dy't in skofthichte fan 2,2 m hat. Domestisearre kobisten wurde almeast holden foar sawol it fleis as de molke, útsein yn grutte dielen fan Yndia en Nepal, dêr't gjin kowefleis iten wurdt om't de hindoeïstyske godstsjinst kij as hillich beskôget.
Underfamylje-opbou
ûnderfamylje kobisten (Bovinae) tûke antilopekobisten (Tragelaphini of Strepsicerotini) skaai echte antilopekobisten (Tragelaphus) berchnyala (Tragelaphus buxtoni) bongo (Tragelaphus eurycerus) boskbok (Tragelaphus scriptus) grutte koedoe (Tragelaphus strepsiceros) ymbabala (Tragelaphus sylvaticus) lytse koedoe (Tragelaphus imberbis) nyala (Tragelaphus angasii) sitatûnga (Tragelaphus spekeii) skaai elandantilopen (Taurotragus) elandantilope (Taurotragus oryx) reuze-elandantilope (Taurotragus derbianus) tûke echte kobisten (Bovini) skaai Afrikaanske buffels (Syncerus) Kaapske buffel (Syncerus caffer) reuzebuffel (Syncerus antiquus) † skaai bizons (Bison) Amerikaanske bizon (Bison bison) Amerikaanske oerbizon (Bison antiquus) † langhoarnbizon of reuzebizon (Bison latifrons) † steppewisint (Bison priscus) † westlike bizon (Bison occidentalis) † wisint of Jeropeeske bizon (Bison bonasus) skaai Yndyske buffels (Bubalus) anoä (Bubalus depressicornis) berchanoä (Bubalus quarlesi) Sebûaanske tamarû (Bubalus cebuensis) † tamarû (Bubalus mindorensis) wetterbuffel of karbou (Bubalus bubalis) wylde Aziatyske wetterbuffel (Bubalus arnee) skaai kij (Bos) banteng (Bos javanicus) Balineeske ko of domestisearre banteng (Bos domesticus) gaur (Bos gaurus) gajal, gayal of domestisearre gaur (Bos frontalis) jak (Bos grunniens) ko (Bos taurus) gewoane ko (Bos taurus taurus) sanga (Bos taurus africanus) seboe (Bos taurus indicus) kûpry (Bos sauveli) †? oerbanteng (Bos palaesondaicus) † oerokse (Bos primigenius) † wylde jak (Bos mutus) skaai saola's (Pseudoryx) saola (Pseudoryx nghetinghensis) tûke nylgauwen en fjouwerhoarnantilopen (Boselaphini) skaai fjouwerhoarnantilopen (Tetracerus) fjouwerhoarnantilope (Tetracerus quadricornis) skaai nylgauwen (Boselaphus) nylgau (Boselaphus tragocamelus)
Kategory:Holhoarnige