thumb|250px|Van de Pavert (2020) Sander van de Pavert (De Haach, 21 febrewaris 1976) is in Nederlânsk tf-programmamakker, akteur, regisseur en kollumnist dy't wurket ûnder de skûlnamme LuckyTV.
Biografy Van de Pavert studearre yn 2000 ôf as grafysk ûntwerper oan de Willem de Kooning Akademy yn Rotterdam. Dêrnei wurke er in skoftke as foarmjouwer, mar rjochte him rillegau op it bewurkjen fan fideo. Yn 2003 wurde LuckyTV’s koarte fideo’s foar it earst útsjoerd op de nasjonale telefyzje, mei alle dagen in bydrage oan it VARA-programma Vara Laat.Revu: Filmen met een koevoet. Sûnt produsearre LuckyTV mear as 1500 koarte filmpkes foar ferskate telefyzjeprogramma’s.Webside LuckyTV: Oer Lucky
Filmpkes en wurkwize De filmpkes fan LuckyTV duorje likernôch twa minuten. Meastal wurdt dêryn op lichtfuottige wize kommintaar jûn op in aktueel barren. Oare kearen giet it om ophimselsteande koartswillige filmkes, sûnder dat der ferwiisd wurdt nei aktualiteiten. LuckyTV brûkt meast al besteand byldmateriaal dat dêrnei bewurke as manipulearre wurdt; ynterviews wurde ferknipt ta absurde petearen, akteurs wurde neisyngronisearre of voice-overs wurde ferfongen.
Alle filmkes wurde fan Van de Pavert sels skreaun, regissearre en montearre. Soms ferskynt er sels yn byld, mar hy seit dat er leaver efter as foar de kamera stiet.De Volkskrant: LuckyTV: verknipte fragmenten vol absurde humor.
De Wereld Draait Door Sûnt 2005 leverret LuckyTV in deistige bydrage oan it telefyzjeprogramma De Wereld Draait Door.
Jinek en BEAU "De Wereld Draait Door" hold op yn maart 2020 en sûnt dy tiid wie LuckyTV in skoft net mear op de lineêre telefyzje te finen. Fan septimber 2020 ôf wienen de filmkes noch inkelde moannen de útsmiter fan de praatprogramma's Jinek en Beau op RTL 4. Unferwachte einige de searje. It is noch ûnbekend oft en wannear 't dy wer oppakt wurde sil. Wanneer is LuckyTV weer terug op tv?, GidsTV, 18 jannewaris 2023
Earfolle fernijing Yn 2010 waard LuckyTV mei eare neamd foar syn bydrage oan De Wereld Draait Door troch de Nipkow-sjury. Hy krige de oanmoedigingspriis ‘omdat zijn absurde items actuele situaties verdraaien, ontregelen en uitvergroten.’Het Parool
Oar wurk LuckyTVs bydragen oan telefyzjeprogramma’s sûnt 2002, de wichtichste: VARA Laat (2003-2005, VARA) De Wereld Draait Door (2005- no) JENSEN! (2005-2007, RTL) De Staat van Verwarring (2006, VPRO) 6Pack (2006, MTV), as regisseur. LuckyTV makke twaris in rige koarte telefyzjeprogramma’s:
Loof&Schillen (2002, RTV West) Joezjny (2010, Comedy Central), in satiryske aktualiteiterubryk. Sûnt 2008 hat LuckyTV alle wiken in kollumn yn de Varagids.
Keppeling om utens Webside LuckyTV
Kategory:Nederlânsk programmamakker Kategory:Nederlânsk telefyzjeregisseur Kategory:Nederlânsk telefyzje-akteur Kategory:Nederlânsk kollumnist Kategory:Persoan berne yn 1976