Le Havre (Normandysk: Lé Hâvre) is in Frânske stêd yn Normandje, yn it departemint Seine-Maritime. De stêd leit oan de mûning fan de Seine tichtby it Kanaal. Op de súdigge fan de Seine leit de stêd Honfleur dat troch de Pont de Normandie mei Le Havre ferbûn is. De stêd is, nei Rouen, de grutste stêd fan Normandje.
Ut de skiednis Le Havre waard stifte as marinehaven yn 1517; de namme betsjut 'de haven'. Le Havre is noch altyd in wichtige havenstêd - de twadde fan Frankryk - ek it begjinpunt fan de trans-Atlantyske oerstek út Frankryk wei. Dêrfandinne de bynamme "La Porte Océane".
By de Slach om Normandje waard de stêd foar it grutste part fernield. De skilder Raoul Dufy waard yn Le Havre berne en in grutte samling fan syn wurk is der te finen.
Demografy (boarne: INSEE-tellingen).
Wrâlderfgoed It part fan de stêd dat nei de Twadde Wrâldkriich opboud waard ûnder de lieding fan arsjitekt Auguste Perret, waard yn 2005 troch UNESCO ta wrâlderfgoed ferklearre. It ferwoastge sintrum waard yn it tiidrek 1945-1964 fannijs boud op basis fan in stêdeboukundich plan ûnder oanfiering fan Auguste Perret dêr't in protte prefabrisearre eleminten by brûkt binne. De wrâlderfgoedynskriuwing beslacht in gebiet fan 133 ha mei in buffersône fan 114 hektare.
Berne yn Le Havre Jacques-Henri Bernardin de Saint-Pierre (1737-1814), skriuwer Charles Alexandre Lesueur (1778-1846), natuerûndersiker en keunstner Raoul Dufy (1877-1953), keunstskilder André Caplet (1878-1925), komponist Emile-Othon Friesz (1879-1949), keunstskilder René Coty (1882-1962), politikus, eks-presidint Arthur Honegger (1892-1955), Switsersk komponist Jean Dubuffet (1901-1985), skilder en keunstner
Kategory:Gemeente yn Frankryk Kategory:Plak yn Frankryk Kategory:Gemeente yn Seine-Maritime Kategory:Plak yn Seine-Maritime Kategory:Wrâlderfgoed yn Frankryk Kategory:Plak stifte yn 1517