thumb|Job Cohen yn 2010 Marius Job Cohen (Haarlim, 18 oktober 1947) is in Nederlânsk jurist en politikus. Cohen wie sûnt 2010 polityk lieder fan de Partij fan de Arbeid en fraksjefoarsitter fan de PvdA yn de Twadde Keamer.
Libben en wurk Cohen is de twadde soan fan Dolf Cohen en Hetty Koster, beide skiedkundigen. Syn âlden wiene frijsinnich-joadsk. Sy krigen ferkearing yn 1940, mar moasten apart ûnderdûke en seagen elkoar earst nei de oarloch wer. Cohens pake en beppe fan heitekant waarden fermoarde yn it konsintraasjekamp Bergen-Belsen. Hy waard grut yn Heemstede, en folge it gymnasium yn Haarlim fan 1960 oant 1966. Syn hei wie yn dy tiid heechlearaar, en letter rector magnificus oan de Leidske universiteit. Cohen waard 1 septimber 1967 lid fan de Partij fan de Arbeid en hie tal fan bestjoersfunksjes yn de partij-organisaasje.
Cohen foltôge syn rjochtenstúdzje yn 1971 oan de Ryksuniversiteit Grins. Hy wurke dêrnei sa'n tolve jier by de Universiteit Maastricht, dêr't er de rjochtenfakulteit opsette, heechlearaar metoden en techniken waard en letter ek rector magnificus.
Yn 1993 waard hy koarte tiid steatssekretaris fan Underwiis yn it kabinet-Lubbers III. Sûnt 1994 siet hy yn de Earste Kamer en yn 1998 waard hy yn it kabinet-Kok II nochris steatssekretaris, diskear fan Ministearje fan Justysje. Ein 2000 trede hy werom as steatsekretaris, om begjin 2001 oan te treden as boargemaster fan de gemeente Amsterdam. Op 12 maart 2010 waard bekend dat nei it fuortgean fan PvdA-partijlieder Wouter Bos Cohen him kandidaat stelde as nije PvdA-partijlieder. Syn boargemasterskip lei hy per direkt del. Op 25 april 2010 waard Cohen keazen, as ienige kandidaat. Op moandei 20 febrewaris 2012 joech hy syn funksje op as fraksjefoarsitter en polityk lieder fan de PvdA. Hy komt likemin werom as KeamerlidCohen weg als fractieleider PvdA (nos.nl, besocht 20 febrewaris 2012).
Literatuer Boeken (as auteur) Studierechten in het wetenschappelijk onderwijs (1981), dissertaasjeStudierechten in het wetenschappelijk onderwijs. Universiteit Leien. Besjoen op 2010-09-07. Binden. Met een inleidend interview door Bas Heijne (2009), bondel taspraken en lêzingenBinden. Utjouwerij Prometheus. Besjoen op 2010-08-31.
Audioboeken (as ferteller) Het grijze kind (2007), skreaun troch Theo ThijssenLuisterboeken voorgelezen door Job Cohen. Utjouwerij Rubinstein. Besjoen op 2010-08-31. De uitvreter (2008), skreaun troch Nescio Lijmen/Het been (2009), skreaun troch Willem Elsschot Kaas (2009), skreaun troch Willem Elsschot Titaantjes (2010), skreaun troch Nescio Max Havelaar (2010), skreaun troch Multatuli
Boeken oer Job Cohen Een vreemdeling op Justitie. Het asielbeleid van Job Cohen (2001), skreaun troch Jeroen Corduwener, ISBN 90 204 2086 0 Job Cohen. Burgemeester van Nederland (2010) skreaun troch Hugo Logtenberg & Marcel Wiegman, ISBN 90 468 0727 4
Kategory:Nederlânsk politikus Kategory:PvdA-politikus Kategory:Boargemaster fan Amsterdam Kategory:Earste Keamerlid Kategory:Twadde Keamerlid Kategory:Nederlânsk steatssekretaris Kategory:Nederlânsk abbekaat Kategory:Nederlânsk rjochtsgelearde Kategory:Nederlânsk heechlearaar Kategory:Nederlânsk publisist Kategory:Nederlânsk polityk skriuwer Kategory:Nederlânsk sosjalist Kategory:Nederlânsk ateïst Kategory:Nederlânsk persoan fan Joadsk komôf Kategory:Ridder yn de Oarder fan de Nederlânske Liuw Kategory:Persoan berne yn 1947