François Haverschmidt (Utert, 21 juny 1906 - Swol, 28 april 1987) wie in Nederlânsk jurist en ornitolooch.
Haverschmidt wie in pakesizzer fan de predikant-dichter François Haverschmidt, dy't ferneamd waard ûnder de skûlnamme Piet Paaltjens. Hy waard grut yn Utert en studearre dêr ek rjochten. Dêrnei gie er oan it wurk by de rjochtbank yn dy stêd en letter wurke er by rjochtbanken yn Haarlim, Heerlen en Ljouwert.
Begjin 1946 waard er rjochter yn Suriname. Letter waard er dêr presidint fan it Hof fan Justysje en twaris waarnimmend gûverneur fan Suriname.
Syn wurkjen yn Suriname joech him de kâns om ûndersyk te dwaan nei de hast noch ûnbekende avifauna fan dat lân. Yn 1968, it jier dat er foar syn pinsjonearring weromkaam yn Nederlân en him yn Ommen nei wenjen sette, kaam it standertwurk oer fûgels yn Suriname út (mei yllustraasjes fan Paul Barruel). Yn 1994 kaam in fannijs hifke ferzje út mei 68 ekstra fûgels, dêr't by de earste printinge noch net fan bekend wie dat sy foarkamen yn Suriname. Oan dy twadde druk hat ek G.F. Mees meidien en der binne nije yllustraasjes fan Inge van Noortwijk oan taheakke.
Bibliografy (kar-út) List of the Birds of Surinam (1955) Birds of Surinam (1968; ill. Paul Barruel) August Kappler als ornithologischer Sammler und Beobachter in Surinam von 1836-1879 (1973) Die Trauerseeschwalbe: Chlidonias niger (1978)
Kategory:Nederlânsk rjochtsgelearde Kategory:Nederlânsk rjochter Kategory:Nederlânsk ornitolooch Kategory:Gûverneur fan Suriname Kategory:Surinaamsk rjochter Kategory:Surinaamsk ornitolooch Kategory:Surinaamsk persoan fan Nederlânsk komôf Kategory:Persoan berne yn 1906 Kategory:Persoan stoarn yn 1987