thumb|Lizzing fan Newcastle yn Ingelân Newcastle upon Tyne, faak ôfkoarte ta Newcastle, is in stêd (city) yn de county Tyne and Wear yn Noard-East Ingelân.
It is in selstandige gemeente; mei de gemeenten Noard-Tyneside, Súd-Tyneside en Gateshead foarmet it ien steedlik gebiet, de Newcastle-Gatesheadmetropoal. Newcastle is de meast wichtige stêd fan Noard-East Ingelân.
In ynwenner fan Newcastle wurdt ek wol in Geordie neamd.
Ut de skiednis De stêd waard troch de Romeinen, ûnder keizer Hadrianus, stifte. It plak hjitte doe Pons Aelius. Neidat de Romeinen út Ingelân wei gien wiene, waard it plak, dat doe Monkchester hjitte, de haadstêd fan it keninkryk Northumbria en waard in wichtich beafeartsplak fanwege de Hillige Boarne fan de Jezusberch, no Jesmond. De stêd tanket har namme oan it kastiel dat yn 1080, fanwege Robert II, hartoch fan Normandje, de âldste soan fan Willem de Oermasterer set waard. Fjochterij mei de Wytsingen waard de stêd yn 1080 benei folslein by ferwoastge. De stêd waard in wichtich sintrum foar de wolhannel en letter waard de stienkoalwinning yn de omkriten fan grut belang. Yn de midsiuwen wie Newcastle, strategysk oan de grins mei Skotlân, ek in festingstêd fan belang.
De haven en de skipswerven oan de Tyne ûntjoegen har tige yn de 16e iuw; de stêd waard doe ta ien fan de grutste sintrums yn de wrâld wat skipsbou en skipsreparaasjes oanbelange. De stêd groeide fierder yn de tiid fan de Yndustriële Revolúsje, mar de yndustry rekke healweis de 20e iuw yn de nederklits. Newcastle is no fral fan belang as sake- en kultuersintrum.
Berne yn Newcastle Charles William Mitchell (1854–1903), keunstskilder Basil Hume (1923-1999), kardinaal en aartsbiskop fan Westminster David Pawson (1930), predikant en teolooch Chas Chandler (1938-1996), muzikant (The Animals), produsint en manager Hank B. Marvin (1941), musikus Brian Johnson (1947), musikus Sting (1951), musikus Kevin Whately (1951), akteur Abhisit Vejjajiva (3 augustus 1964), minister-presidint fan Tailân Gary Robson (19 juny 1967), pylkjesmiter (darter) Alan Thompson (22 desimber 1973), fuotballer Sue Rolph (15 maaie 1978), swimster Cheryl Ann Cole - Tweedy (30 juny 1983), sjongster Richard J. Thompson (20 maaie 1986), sjonger Joe McElderry (16 juny 1991), sjonger
Kategory:Plak yn Ingelân Kategory:Plak stifte yn de 2e iuw