thumb|De Boargenkaart of Beckeringhkaart út 1781
Theodorus Beckeringh (doopt Grins, 21 augustus 1712 - Grins, 30 augustus 1790) wie in Nederlânske jurist en kartograaf.
Biografy Beckeringh waard berne oan it Martinitsjerkhôf yn Grins en doopt yn de Martinytsjerke. Hy wie in soan fan Lambertus Beckeringh en Catharina Sipkens. Beckeringh waard sekretaris fan de rekkenkeamer fan de Steaten-Generaal (1721). Hy studearre rjochten oan de Grinzer Universiteit en promovearre yn 1738. Dêrnei waard er abbekaat foar de Hege Justysje-keamer. Dêrnjonken wie hy assessor fan it Generaliteits Kriichsgerjocht (1739-1790), redger yn De Ommelannen en grytman yn it Westerkertier. Hy boaske yn 1741 oan Geertruida van Hulten (1717-1799).Genealogy famylje Beckeringh
Boargenkaart Mr. Beckeringh is fral bekend wurden as amateur-kartograaf. Hy tsjinne yn 1777 by de Grinzer Steaten in fersyk om subsydzje yn om in troch himsels makke lânkaart fan de Grinzer Stêd en Ommelannen út te jaan. Hy woe dêrfoar in oktroai foar 25 jier hawwe. Beckeringh krige 5000 karolusgûne takend en in oktroai fan 15 jier.De Beckeringh-kaart Beckeringh syn Kaart of Land Tafereel der Provincie van Groningen en Ommelanden waard foar it earst útjûn yn 1781.Kaart of landtafereel der provincie van Groningen en Ommelanden verdeelt in deszelfs byzondere quartieren, districten en voornaamste iurisdictien : beneffens de Heerlykheid Westerwolde Yn de marzje fan de kaart waarde de Grinslanner boargen ôfbylde, dêrom wurdt de kaart ek wol ‘boargekaart’ neaamd. Hy droech de kaart op oan erfsteedhâder Willem V fan Oranje-Nassau, waans wapen twaris op de kaart ôfbyld is.
Kategory:Nederlânsk abbekaat Kategory:Nederlânsk kartograaf Kategory:Nederlânsk amtner Kategory:Nederlânsk politikus Kategory:Nederlânsk boargemaster Kategory:Grinslânsk persoan Kategory:Persoan berne yn 1712 Kategory:Persoan stoarn yn 1790