Willem Boeijenga (Lollum, 25 septimber 1909 - Gau, 8 augustus 1944) wie in fersetsstrider yn de Twadde Wrâldoarloch.
Libbensrin thumb|Monument foar Willem Boeijenga Boeijenga, fan berop bakker yn it doarp Gau, wie meiwurker fan de Lanlike Organisaasje foar Help oan Underdûkers (LO) yn de destiidske gemeente Wymbritseradiel. Yn syn hûs ferburch hy in Amsterdamske joadske ûnderdûkster. Nei ferrie troch Pieter Bergsma, fjildwachter-konsjerzje fan it gemeentehuis yn Akkrum, waard Boeijenga op 8 augustus 1944 yn Gau arrestearre en op it plak sels fusilliearre. De ûnderdûkster waard deporteare nei in konsintraasjekamp, mar oerlibbe de oarloch.
Willem Boeijenga leit begroeven op it N.H. begraafplak by de tsjerke fan Gau. As oantinken oan him waard de belangrykste strjitte yn it doarp omdoopt yn Willem Boeijengastrjitte. Yn de tsjerketoer is in fan reade sânstien makke tinkstien ynmitsele, dy't makke waard troch de Fryske arsjitekt A. Goodijk. Op de stien stiet de tekst:
1940-1945 WILLEM BOEIJENGA foel yn dit doarp op de achtste fan Rispmoanne 1944 troch Dútkse terreur. Hy joech syn libben om dat fan oaren te rêdden.
Kategory:Frysk bakker Kategory:Frysk fersetsstrider yn de Twadde Wrâldkriich Kategory:Frysk misdieslachtoffer Kategory:Persoan dy't stânrjochtlik eksekutearre is Kategory:Persoan berne yn Lollum Kategory:Persoan stoarn yn Gau Kategory:Persoan berne yn 1909 Kategory:Persoan stoarn yn 1944