Brisbane is in stêd oan de eastkust fan Australië. It is de haadstêd fan de dielsteat Queenslân en leit oan de Brisbane River, sa'n 23 kilometer fan de Baai fan Moreton. Brisbane is de tredde stêd yn grutte fan it lân, nei Sydney en Melbourne. Brisbane is fral by jonge toeristen populêr fanwege de twa grutte útgeansgebieten dyt it hat. Dêr binne in soad klups, bars, yt- en útgeansgelegenheden.
Ut de skiednis Foardat de Europeanen kamen wiene de kontreien dêr't Brisbane no leit bewenne troch de Turrbal en Jagera.Tom Petrie: Early Reminiscences of Early Queensland Sy neamden it gebiet Mian-jin ("plak mei de foarm fan in spiker").Our Brisbane – Our shared vision – Brisbane City Council side 2 De omkriten fa de Baai fan Moreton waard it earst ferkend troch Matthew Flinders yn 1799.
De skiednis fan de stêd Brisbane begûn yn 1824 mei de strafkoloanje Redcliffe, sa'n 28 km benoarden it sintrum fan no, nei fierdere ferkenningen fan de baai en de rivier troch John Oxley yn 1823. It plak waard neamd nei Sir Thomas Brisbane, de destiidske gûverneur fan de dielsteat Nij-Súd-Wales. Frije boargers mochten har dêr earst yn 1842 nei wenjen sette.
Doe't Queensland yn 1859 in aparte dielsteat waard, waard Brisbane ta haadstêd keazen. Oant de Twadde Wrâldkriich ûntjoech de stêd har stadichoan. Yn de WOII wie it alliearde haadkertier fan generaal Douglas MacArthur yn Brisbane festige en spile de stêd in sintrale rol yn striid yn it súdwestlik part fan de Stille Oseaan. Yn 1982 mocht Brisbane de Mienebestspullen organisearje en yn 1988 wie dêr de Wrâldtentoanstelling. Fan doe ôf oan is de stêd hurd groeid ta de stêdekloft dy't it no is.
Klimaat Brisbane hat in subtropysk klimaat mei waarme simmers en tige mylde winters.
+ Jieroersjoch klimaatfeiten jan feb mrt apr maaie jun jul aug sep okt nov des jier Tr. maksimum deitemperatuer (°C) 29.4 29.0 28.0 26.1 23.2 20.9 20.4 21.8 24.0 26.1 27.8 29.1 25.5 Tr.. minimum deitemperatuer (°C) 20.7 20.6 19.4 16.6 13.3 10.9 9.5 10.3 12.9 15.8 18.1 19.8 15.7 Tr. delslach (mm) 159.6 158.3 140.7 92.5 73.7 67.8 56.5 45.9 45.7 75.4 97.0 133.3 1146.4 Tr. tal reindagen 13.1 13.5 14.5 11.3 9.6 7.9 7.2 6.7 7.4 9.3 9.9 11.5 122.0Tr. tal sinneoeren deis 7.7 6.7 6.7 7.3 7.0 6.8 7.3 8.0 8.3 8.2 8.3 8.3 7.5Tr. tal dagen mei berûne loft 5.2 4.8 4.6 3.1 3.5 2.9 2.6 2.1 2.1 3.5 3.8 4.3 42.4 Boarne: Bureau of Meteorology
Kategory:Plak yn Queenslân Kategory:Plak stifte yn 1824