De Nieuwe Encyclopedie van Fryslân ('Nije Ensyklopedy fan Fryslân', NEF) is de nijste ensyklopedy oer Fryslân en de Friezen dy't yn 2016 ferskynde. It wurk waard yn it Nederlânsk skreaun.
Skiednis Inisjatyf ta it gearstallen fan de nije ensyklopedy kaam fan Buro Varenius, it kultuerhistoarysk ûndersyks- en publisiteitsburo fan Meindert Schroor en de Provinsje Fryslân yn 1999. De foarige ensyklopedy, Encyclopedie van Friesland, wie fan 1958 (mei in oanfolling yn 1975) en bot ferâldere. De provinsjes Grinslân (1999) en Drinte (2003) hiene al in modernere ensyklopedy en it waard tiid dat ek Fryslân in aktualisearre ferzje krige. It projekt wie in gearwurking fan Tresoar (Frysk Histoarysk en Letterkundich Sintrum) en Buro Varenius, Meindert Schroor waard de haadredakteur.
It projekt soe yn 2009 al klear wêze, mar it waard 2016. De papieren edysje hat fjouwer dielen fan 3152 siden, mei goed 10.000 lemmas en 1100 fotoos, tabellen en grafiken. It wie it doel dat der ek in digitale ferzje komme soe, mar dy is er anno 2016 noch net.
Redaksje Geografy en Wettersteat (Karel Gildemacher) Archeology en monumintesoarch (Gilles Jan de Langen) Skiednis (Joop W. Koopmans en Jacob van Sluis) Ekonomy en ynfrastruktuer (Albert Buursma) Bêta-wittenskippen (Harry Wijnandts) Fryske Taal- en Letterkunde (Philippus H. Breuker) Polityk en Maatskippij (Jacques Kuiper) Keunst en Kultuer (Pieter de Groot) Byldredaksje (Martha Kist). De heechlearaaren Reinier Salverda, Yme Kuiper en Johan Frieswijk wiene de klankboerdgroep.
Sjoch ek Encyclopedie van Friesland Encyclopedie van het hedendaagse Friesland
Keppelings om utens Tresoar: Nieuwe Encyclopedie van Fryslân (edysje 2016) Encyclopedie van Friesland, digitaal (troch M.H.H. Engels, desimber 2012)
Kategory:Ensyklopedy Kategory:Fryslân Kategory:Nederlânsktalich non-fiksjewurk Kategory:Non-fiksjewurk út 2016