Georgje is in lân yn East-Jeropa. De haadstêd is Tbilisy.
Geografy Lizzing Georgje wurdt begrinzge troch: Ruslân yn it noarden; Azerbeidzjan yn it súdeasten; Armeenje yn it suden; Turkije yn it súdwesten; de Swarte See yn it westen.
Lânskip thumb|Sicht op de Kaukasus bergen yn Svanetia. It lânskip fan wurdt foarme troch de Swarte Seekust dy't oergiet yn de Kolchetiflakte. It klimaat is hjir fochtich subtropysk. It noarden fan it lân wurdt behearsket troch de súdflank fan de Grutte Kaukasus-berchte. It suden makket diel út fan de Lytse Kaukasus. De heechste berch fan Georgje is de Sjchara (5193 m). Yn it easten lizze boskgebieten dy't oergien yn steppen.
De wichtichste rivieren binne de Riony en de Koera.
Toeristysk attraktyf binne de 15 natuerreservaten, de wintersport- en kuiergebieten, de badplakken Suchumy en Batimy en de histoaryske stêden Kutaisy en Mzcheta.
Stêden Wichtichste stêden fan Georgje binne: Tbilisy Batoemy Kutaisy Rustavy Gory Poti
Skiednis thumb|Grutste plakken fan Georgje It gebiet fan de twa âlde keninkriken Koltsji en Kartli foarmet rûchwei it gebiet wat no Georgje is. Al yn 'e 4e iuw waard it Kristendom as steats-godstsjinst ynfierd. Iuwenlang hat it lân hast oan ien tried wei beset west, mei de Romeinen, Arabieren, Persen en Turken dy't der baas wienen. Dêrnei kaam de goudene tiid foar Georgje, fan de 11e oant en mei de 13e iuw.
De ynvaazje fan de Mongoalen makke in ein oan de bloeitiid, en wie it begjin fan in nije rige oerhearskers. Nei de Mongoalen kamen de Ottomanen en wer de Persen, oant it lân yn de 19e iuw yn de Russyske ynfloedssfear kaam. Nei in koarte perioade fan ûnôfhinklikens tusken 1918 en 1921, wie op 'e nij Moskou' baas yn Georgje, mei diskear de kommunisten dy't de skepter swaaiden.
Sûnt 1991 is Georgje, foar it earst sûnt de 14de iuw, foar langere tiid ûnôfhinklik. It lân kaam yn dy jierren yn in ekonomyske resesje wat late ta in boargeroarloch. Yn 1992 kaam Eduard Sjeverdnadze oan de macht. De ekonomyske tastân ferbettere net en de korrupsje naam allinne mar ta. Nei swiere protesten fan de befolking yn novimber 2003 gong Sjeverdnadze as presidint ôf. Nije ferkiezings yn 2004 brochten Mikheil Saakasvili oan de macht, en makken dêrmei de Nederlânske Sandra Roelofs de presidintsfrou fan Georgje.
Yn 2008 sette de Russysk-Georgyske Oarloch útein nei in deimannich fjochtsjen yn Súd-Osseesje. De Georgyske troepen besochten dêrby Súd-Osseesje werom te feroverjen, mar dat mislearre en se waarden ferslein troch de Súdosseten en harren bûnsgenoaten, de Russen en de Abgazen.
Demografy Befolking Der wenje likernôch 3,9 miljoen minsken yn Georgje (2024), sûnder Abgaazje en Súd-Ossetia. Sûnt de ûnôfhinklikens yn 1991 wenje der sa'n 1 miljoen Georgjers om utens.
Georgje is al tige lang in multyetnysk lân. Der binne mear as 26 befolkingsgroepen: 83,8 % fan de ynwenners binne Georgjers, 6,8 % Azerbajaners, 4,3 Armeenjers, 1,1 % Russen, 0,4 % Osseten, 0,1% Abgazen, Aramejers en 1,51 % heart by in oare befolkingsgroep sa as de Pontos-Griken, Koerden, Joaden en oaren (folksrûzing 2024).
Kategory:Lân yn Aazje Kategory:Lân yn Jeropa Kategory:Histoaryske Russyske koloanje Kategory:Republyk Kategory:Bestjoerlike ienheid oprjochte yn 1008 Kategory:Bestjoerlike ienheid opheft yn 1490 Kategory:Bestjoerlike ienheid oprjochte yn 1762 Kategory:Bestjoerlike ienheid opheft yn 1801 Kategory:Bestjoerlike ienheid oprjochte yn 1918 Kategory:Bestjoerlike ienheid opheft yn 1921 Kategory:Bestjoerlike ienheid oprjochte yn 1991