It Friesch Volksblad wie it wykblêd fan de Friesche Volkspartij dat ferskynde tusken 25 juny 1876 - 1899. Earste redakteuren wiene Oebele Stellingwerf en Waling Dykstra (oant 1883), letter die Stellingwerf it allinnich.
It blêd wie ûnôfhinklik en tige kritysk; spile yn ferskate kwestjes (Agema-saak, 1881, ferkiezing Domela Nieuwenhuis yn Skoatterlân, 1888) in wichtige rol. It waard op 'en doer it orgaan fan de sosjalistyske Fryske Folkspartij. Doe't de Folkspartij oer har hichtepunt hinne wie (1891) ferlear ek it Friesch Volksblad oan betsjutting. Ein 1899 is it ferdwûn.
Kategory:Nederlânsktalich tydskrift Kategory:Frysk partijblêd Kategory:Sosjalisme Kategory:Krante of tydskrift oprjochte yn 1876 Kategory:Krante of tydskrift opheft yn 1899