thumb|Portret fan Betje Wolff, ± 1754 thumb|Aagje Deken (ûnder) en Betje Wolff thumb|It grêf fan Aagje Deken en Betje Wolff op begraafplak Ter Navolging, Skeveningen Betje Wolff, folút Elizabeth Wolff-Bekker, Flissingen, 24 july 1738 - Den Haach, 5 novimber 1804) wie in Nederlânsk skriuwster.
Libben Betje Bekker waard berne yn in begoedige kalvinistyske famylje. Fan jongs ôf wie hja learderich, ambisjeus en keunstsinnich. Hja hie in gysten karakter en frijsinnige ideeën. Se koe in bytsje Latyn en learde Ingelsk.
Mei har sântjinde liet hja har skake troch de 24-jierrige faandrich Matthijs Gargon. Hoewol't hja nei ien nacht wer thús kaam, spriek men der skande fan en har kansen op in goede houlikspartij waarden der net grutter op.
Se troude op 18 novimber 1759 mei de 52-jierrige predikant en widner Adriaan Wolff. Sy hiene earst in briefwikseling hân. Yn 1763 debutearre sy mei de moraal-filosofyske dichtbondel Bespiegelingen over het genoegen. Yn 1777, nei de dea fan har man, wenne Wolff tegearre mei de meniste Aagje Deken en publisearren se ek tegearre. Harren grutste súkses wiene de briefromans De Historie van mejuffrouw Sara Burgerhart (1782) en Historie van den heer Willem Leevend (1784-1785). Yn 1778 ferhuzen Wolff en Deken nei De Rijp en yn 1782 setten sy harren ta wenjen yn Beverwyk.
Yn ferbân mei harren patriottyske sympatyen ferhuzen Wolff en Deken yn 1788 nei Trévoux by Lyon yn it departemint Ain (regio Rhône-Alpes). Yn 1789 ferskynde Wandelingen door Bourgogne. Tusken 1793 en 1796 skreaune se oan Historie van Mejuffrouw Cornelia Wildschut, of De gevolgen van de opvoeding, in roman yn 6 dielen. Troch jildlike krapte moasten se yn 1797 werom nei Hollân; sy wennen doe yn De Haach. Wolff stoar yn De Haach; in pear dagen letter ferstoar Deken ek. Beide froulju binne te hôf kaam op Ter Navolging yn Skeveningen.
Bibliografy 1763 - Bespiegelingen over het genoegen 1765 - Bespiegelingen over den staat der rechtheid 1765 - Eenzame nacht gedachten, over den slaap en den dood 1769 - Walcheren 1772 - De menuet en de dominees pruik 1772 - De onveranderlyke Santhorstsche geloofsbelydenis 1772 - Lier- veld- en mengel-zangen 1774 - Aan mynen geest 1776 - Brieven van Constantia Paulina Dortsma 1778 - Beemster-winter-buitenleven 1779 - Proeve over de opvoeding 1780-1781 - Brieven over verscheiden onderwerpen 1781 - Economische liedjes (tegearre mei Aagje Deken) 1782 - De Historie van mejuffrouw Sara Burgerhart (mei Aagje Deken) 1783 - Voorrede voor den tweeden druk (mei Aagje Deken) 1784 - De Natuur is mijne zanggodin 1784 - Fabelen 1784-1785 - Historie van den heer Willem Leevend (mei Aagje Deken) (acht dielen) 1785-1786 - Mengel-poëzy 1787-1789 - Brieven van Abraham Blankaart 1789 - Wandelingen door Bourgogne 1793-1796 - Historie van mejuffrouw Cornelia Wildschut (mei Aagje Deken) (seis dielen) 1802 - Geschrift eener bejaarde vrouw (twa dielen)
Neitins Sûnt 1950 is der in Museum Betje Wolff yn de eardere pastoary fan Middenbeemster, dêr't hja mei har man Adriaan Wolff wenne hat (1759-1777). De brieveroman De Historie van mejuffrouw Sara Burgerhart jildt noch hieltyd as it bêst lêsbere boek út de Nederlânske literatuer fan de 18e iuw.
Keppeling om utens Wiidweidige biografy by it Instituut voor Nederlandse geschiedenis Betje Wolf, primêre en sekundêre literatuer by de DBNL
Kategory:Nederlânsk dichter Kategory:Nederlânsk lietsjeskriuwer Kategory:Nederlânsk romanskriuwer Kategory:Nederlânsk reisferhaleskriuwer Kategory:Nederlânsk balling Kategory:Patriot Kategory:Siuwsk persoan Kategory:Persoan berne yn 1738 Kategory:Persoan stoarn yn 1804