thumb|Beukenswyk yn 1900 Beuckenswyk wie in state út de 17e iuw besuden yn Sondel, gemeente De Fryske Marren. Op it plak stiet hjoed-de-dei in pleats.
It boujier is ûnbekend. It bûten stie in healoere rinnen fan de Riniastate. Op de state wenne Geertruida Wilhelmina Godarda Johanna Rinia fan Nauta. In nicht fan har, Titia de Carpentier wenne op dit bûten. Beuckenswyk wie in bûten mei in bosk benefter; it wie in grut gebou mei in soad finsters, in hege stoepe en in lange gong. Mear is der net bekend oer it uterlik fan de state.
Yn 1664 trout dr. Wilhelmus Beuckens op It Hearrenfean en in soan út dat houlik wie dr. Marius Beuckens. Hy wie ûntfanger fan Doanjewerstâl. Hy komt yn it stimkohier fan 1728 foar as eigener fan lannen yn Sondel en Nijemardum. Hy boaske yn 1696 oan Gerritje Sierxma, fandêr it wapen fan Sierxma njonken it wapen fan Beuckens. De wapens Nauta-Beuckens en Swalue fertelle oer in houlik fan leden fan dy geslachten. Paulus Rombertus neamde himsels nei heit en mem Nauta-Beuckens. Hy wie in soan fan Gijsbertus Nauta en Geertruida Beuckens, dochter fan Marius Beuckens. Syn frou en ek nicht Hester Josine Swalue wie in dochter fan dr. Otto Swalue en Belitie Beuckens, ek in dochter fan Marius Beuckens. Beiden hienen dus as pake en beppe dr. Marius Beuckens en Gerritje Sierxma.
In broer fan Paulus Rombertus Nauta-Beukens wie dr. Bavius Nauta dy't troude mei Tjitske Rinia. In dochter út dat houlik wie Titia Rinia fan Nauta. Hja naam ek de namme fan beide âlden oan. Titia troude mei Johan Petrus fan Hylckama en harren dochter lei de earste stien foar in nij slot Beuckenswyk. Yn 1800 troude Allethya Aurelia van Hylckama mei Hendrik Jan de Carpentier, frederjochter op De Lemmer, sekretaris Wetterskip De Sân Gritenijen en Stêd Sleat, kontroleur fan de Belesting yn de kontrôle De Lemmer, lid Kommisje fan Lânbou yn Fryslân. Yn 1885 waard de state ôfbrutsen en op it stee waard in pleats boud.
List fan eigeners fan slot Beuckenswyk Jier Brûker 1664 Wilhelmus Beuckens 1690 - 1722 dr. Marius Beuckens (abbekaat) en Gerritje Sierxma 1722 Geertruida Beuckens en Gijsbertus Nauta 1763 - 1790 Paulus Rombertus Nauta Beuckens en Hester Josina Swalue 1790 - 1798 dr. Bavius Nauta (in broer fan Paulus) en Tjitske Rinia 1798 - 1816 Titia Rinia van Nauta en Johan Petrus van Hylckama 1816 - 1824 Allethya Aurelia van Hylckama en Hendrik Jan de Carpentier 1824 - 1838 Hendrik Jan de Carpentier 1838 - 1869 Titia de Carpentier 1869 Jacoba Jeannette D.M. de Carpentier en Jan de Rochefort
Kategory:Sondel Kategory:State Kategory:Eardere stins of state yn Fryslân Kategory:Stins of state yn Gaasterlân-Sleat Kategory:Stins of state yn De Fryske Marren Kategory:Bouwurk út 1664 Kategory:Bouwurk sloopt yn 1885