thumb|Geert Lourens van der Zwaag Geart Lourens van der Zwaag (Wolvegea, 4 maaie 1858 - De Gordyk, 28 april 1923) wie in keapman en sosjalist.
As bargekeapman en slachter op De Gordyk learde hy de súdeasthoeke kennen en waard in oanhinger fan Domela Nieuwenhuis. Hy waard aktyf yn it Bûn foar Algemien Kies- en Stimrjocht (1882) en yn it Fryske Komitee fan de Folkspartij (1890). Hy wie in goed sprekker en kenner fan it Fryske toaniel en warber foar in frij sosjalisme. Yn 1888 steunde hy Domela yn Skoatterlân. Hy rjochtte dêrby De Klok op (1888-1913). Fan 1897-1909 wie hy lid fan de Twadde Keamer foar Skoatterlân. Tusken 1907-1919 wie Van der Zwaag lid fan Deputearre Steaten. Hy stie yn tusken de 'revolúsjonêren' en de 'parlemintêren'. Hearde ta de antimilitêristen, drankbestriders en antitsjerkliken. Syn ynfloed hat yn de Súdeasthoeke noch lang merkber west.
Kategory:Frysk keapman Kategory:Frysk slachter Kategory:Frysk sjoernalist Kategory:Frysk polityk aktivist Kategory:Frysk politikus Kategory:Frysk deputearre Kategory:Twadde Keamerlid Kategory:Frysk sosjalist Kategory:Persoan berne yn Wolvegea Kategory:Stellingwerfsk persoan Kategory:Persoan stoarn op De Gordyk Kategory:Persoan berne yn 1858 Kategory:Persoan stoarn yn 1923