duimnael|Sam Bankman-Fried Samuel Bankman-Fried (gebore op 6 Maart 1992), ook bekend onder sy voorletters SBF, is 'n Amerikaanse entrepreneur en belegger. Hy is die stigter en voormalige uitvoerende hoof van FTX 'n kriptogeld-beurs; FTX.US, sy Amerikaanse geaffilieerde; en Alameda Research, 'n kwantitatiewe kriptogeldeenheid-handelsfirma. FTX het laat in 2022 'n insolvensiekrisis ervaar, wat gelei het tot 'n ineenstorting in FTX se eie kripto-geldeenheid, FTT. Te midde van die krisis het Bankman-Fried aangekondig dat hy sy bedrywighede by Alameda Research gaan beëindig en bedank as HUB van FTX, wat aansoek gedoen het vir Hoofstuk 11-bankrotskap.
Bankman-Fried se netto waarde het 'n hoogtepunt bereik van $26 miljard. In Oktober 2022 het hy 'n geraamde netto waarde van $10,5 miljard gehad. Op 8 November 2022 te midde van FTX se insolvensiekrisis is sy netto waarde egter na raming 94% in 'n dag gedaal tot $991.5 miljoen, volgens die Bloomberg Billionaires Index, die grootste eendagdaling in die indeks se geskiedenis. Teen 11 November 2022 het die Bloomberg Billionaires Index beskou dat Bankman-Fried geen materiële rykdom het nie Voordat Bankman-Fried se rykdom in November 2022 geërodeer het, was Bankman-Fried 'n groot skenker aan die Demokratiese Party en ten bate van baie linkse politieke doelstellings. Hy was die tweede grootste individuele skenker aan Joe Biden in die 2020-verkiesingsiklus, en het persoonlik $5.2 miljoen geskenk en het $40 miljoen geskenk tydens die 2022 Amerikaanse middeltermynverkiesing.
Op 12 Desember 2022 is Bankman-Fried in die Bahamas gearresteer, en later uitgelewer aan die Verenigde State. In die hofsaak Verenide State v. Bankman-Fried, is hy skuldig bevind aan al sewe aanklagte van bedrog, sameswering en geldwassery. Op 28 Maart 2024 is hy tot 25 jaar tronkstraf gevonnis en beveel om $11 miljard te verbeur.
Verwysings
Kategorie:Amerikaanse entrepreneurs Kategorie:Bedrog Kategorie:Hoof- uitvoerende beamptes Kategorie:Kriptogeld Kategorie:Geboortes in 1992