Cornelius Visser (Nak) van der Merwe (gebore te Fauresmith in 1921 en oorlede op 26 April 1985) was 'n Suid-Afrikaanse politikus, lid van die Nasionale Party, lid van die Volksraad vir Fauresmith (1966 – 1979) en daarna Bethlehem (1981 – 1985). Hy was leier van die Nasionale Party in die provinsie Oranje-Vrystaat (1980 – 1985), Minister van Waterwese en Bosbou (1981 – 1982) en Minister van die Omgewing (1981 – 1983), asook Minister van Gesondheid en Welsyn (1982 – 1984) in die regerings van P.W. Botha.
Dr. Nak van der Merwe is op Fauresmith in die Oranje-Vrystaat gebore, en studeer medies aan die Universiteitskollege van Bloemfontein en daarna die Universiteit van Pretoria. Hy word verkies tot raadslid vir Fauresmith in 1966 en word lid van verskeie parlementêre komitees en ook administrateur van die Oranje-Vrystaat (1979 – 1980). Hy sluit in 1980 aan by die Suid-Afrikaanse regering as Minister van die Omgewing.
In 1984 benoem P.W. Botha hom as Minister van Gesondheid en Welsyn in die Volksraad van die nuwe driekamerparlement, en as voorsitter van die Raad van Ministers van die Volksraad.
Op 17 Augustus 1984 kry hy 'n hartaanval waarvan hy herstel, maar minder as 'n jaar later, op 26 April 1985, sterf hy in sy slaap.
Bron Doodsberig, SA Medical Journal, jaargang 67, 11 Mei 1985, p. 745
Kategorie:Geboortes in 1921 Kategorie:Sterftes in 1985 Kategorie:Ministers van Omgewing Kategorie:Politici van die Nasionale Party Kategorie:Suid-Afrikaanse ministers van gesondheid Kategorie:Suid-Afrikaanse politici