Die lekkerruiktolbos (Leucadendron spissifolium subsp. fragrans) is 'n blomdraende struik wat tot die genus Leucadendron behoort en deel van die fynbos-bioom vorm. Die spesie is endemies aan die Wes-Kaap en kom voor in die Langeberg en Outeniekwaberge vanaf Gysmanshoek tot by Woodville Forest Reserve, asook die Swartberg en Kammanassieberge.
Die struik word tot 1.3 hoog en spruit weer uit na 'n brand. Die struik blom van Oktober tot November. Die sade word in 'n tol op die vroulike plant geberg en val eers grond toe na 'n brand en word deur die wind versprei, die sade het vlerkies. Die plant is eenslagtig en daar is afsonderlike plante met manlike en vroulike blomme, wat deur insekte bestuif word. Die plant groei hoofsaaklik in sandsteengrond op die kruine en suidelike hellings op hoogtes van 500 - 1800 m.
In Engels staan dit as die Fragrant spear-leaf conebush bekend.
Galery
Sien ook Alfabetiese lys van Suid-Afrikaanse bome
Bronnelys REDLIST Sanbi Biodiversityexplorer Protea Atlas Australian seed Plants of the World Online
Eksterne skakels
Kategorie:Leucadendron Kategorie:Flora van Suid-Afrika Kategorie:Endemiese plante van Suid-Afrika