Laudo Liebenberg, gebore 18 Junie 1984, in Kaapstad, Wes-Kaap, is ʼn Suid-Afrikaanse sanger van die groep aKING (sedert 2007) en Eet Kreef (sedert 2019) en akteur. Na skool het Liebenberg B.A. Drama studeer aan die Universiteit van Stellenbosch.
Musiek
aKING Liebenberg is een van die stigters van die musiekgroep aKING, asook die hoofsanger en hoofkitaarspeler. Die groep is in 2007 in Bellville, Wes-Kaap gestig. Die groep het regoor Suid-Afrika getoer en het ook by groot konserte soos Oppikoppi Musiekfees en die Coke Zero Fees in 2009 opgetree, waar hulle die verhoog met internasionale kunstenaars soos Oasis, Snow Patrol en Panic! at the Disco gedeel het. Die lede is tans: Laudo Liebenberg (sang en kitaar), Hennie van Halen (baskitaar). Jaco “Snakehead” Venter (tromme) en Andrew Davenport (kitaar).
Aan die einde van 2008 het aKING drie enkelsnitte opgeneem, In the Twilight, wat hulle deur die Kaapse produksiemaatskappy, Ghetto Vibrations, gedoen het in samewerking met Khayelitsha United Mambaso en Thokozani Brothers. aKING word ook geassosieer met Fokofpolisiekar, Van Coke Kartel en Die Heuwels Fantasties en tree baie keer saam op in konserte. In 2009 het aKING na Argentinië gevlieg om ʼn musiekvideo te maak vir hul enkelsnit, You and I. Vroeg in 2011 het die groep ook ʼn verskyning op die SABC2-sepie, 7de Laan, gemaak.
Diskografie Dutch Courage (2008) Against all odds (2009) In the Twilight (enkelsnit; 2009) The Red Blooded Years (2011) Morning After (2014)
Eet Kreef! Tans is Liebenberg deel van die groep wat die Afrikaanse musieklegende, Johannes Kerkorrel, se satiriese album Eet Kreef! herinterpreteer met hul eie unieke stempel met hul album Eet Kreef Herleef! Die album sluit bekende snitte in soos Sit dit af, Hillbrow, Energie en Hoe ek voel. Bykans 30 jaar gelede is Kerkorrel en sy orkes, Die Gereformeerde Blues Band, se Eet Kreef!-album deur die destydse Suid-Afrikaanse Uitsaaikorporasie (SAUK) van radiospeellyste verban. Liebenberg, Frank Freeman (Arno Carstens se kitaarspeler), Sheldon Yoko, Etienne van Rooyen en Schalk van der Merwe is deel van hierdie projek. Freeman en Van Rooyen is verantwoordelik vir die verwerking van die musiek. Die groep het ook in 2020 ʼn Fiësta-toekenning gewen vir Beste Musiekgedrewe Produksie.
Film Twee Grade van Moord; vertolk die rol van Sean Ander Mens; vertolk die rol van Louw Die Versoening van Daniël du Randt; vertolk die rol van ʼn Britse soldaat Kanarie; vertolk die rol van ʼn soldaat (2019)
Televisie Black Sails; Seisoen 2, 3 en 4; vertolk die rol van Dooley Outlander; Seisoen 3; vertolk ʼn agtergrond rol Warrior; vertolk ʼn agtergrond rol Die Byl; Seisoen 2; vertolk die rol van Adriaan Waterfront; vertolk ʼn agtergrond rol Die Boland Moorde; vertolk ʼn ondersteunende rol American Monster; Seisoen 3, Episode 5; vertolk die rol van Gilbert
Teater Hamer van die Hekse; vertolk ʼn ondersteunende rol Romeo & Julia; vertolk die rol van Romeo Kruispad: Die Legende van die Goue Vis; vertolk die rol ondersteunende hoofrol Broers; vertolk die rol van Alexander Tsjechof Katvoet; vertolk die rol van Boela
Persoonlike lewe Liebenberg is getroud met Cara Bastiaanse op 1 Oktober 2016 op Snyderskloof in die Karoo.
Toekennings
Fiësta-toekenning: Beste Musiekgedrewe Produksie, vir Eet Kreef! (2020) SAMA-toekenning: Beste Rock Album, vir aKING (2015)
Bronnelys https://www.imdb.com/name/nm6932396/ Laudo Liebenberg CV.pdf https://maroelamedia.co.za/vermaak/musiek/eet-kreef-herleef-ralph-sou-so-trots-gewees-het/ https://www.linkedin.com/in/laudo-liebenberg-156b4227/?originalSubdomain=za https://www.discogs.com/artist/1228356-Laudo-Liebenberg https://www.netwerk24.com/Sarie/Bruid/laudo-liebenberg-se-karoo-troue-20170914-2 https://www.jacarandafm.com/moremusicyoulove/laudo-liebenberg-and-eet-kreef-bring-afrikaans-nostalgia-gauteng/ https://www.imdb.com/title/tt2375692/characters/nm6932396 https://bestofekurhuleni.co.za/whatshot/7163/sama-award-winning-aking-set-to-rock-on-the-lawns/ http://www.expressoshow.com/articles/Throne-for-aKing?articleID=9706
Kategorie:Lewende mense Kategorie:Geboortes in 1984 Kategorie:Suid-Afrikaanse musici Kategorie:Alumni van Hoërskool D.F. Malan, Kaapstad Kategorie:Alumni van die Universiteit Stellenbosch