'n Hoofstuk nege instelling verwys na 'n organisasie wat ingevolge Hoofstuk 9 van die Suid-Afrikaanse Grondwet gestig is om demokrasie te beskerm. Sodanige instellings is:
Die Openbare Beskermer
die Suid-Afrikaanse Menseregtekommissie
die Kommissie vir die bevordering en beskerming van die regte van kulturele, godsdienstige en taalkundige gemeenskappe
die Kommissie vir Geslagsgelykheid
die Ouditeur-generaal
die Onafhanklike Verkiesingskommissie van Suid-Afrika (OVK)
'n Onafhanklike Uitsaaiowerheid.
Alhoewel hoofstuk nege 'n uitsaaireguleerder vereis, is die Onafhanklike Kommunikasie-owerheid van Suid-Afrika (IKOSA) nie spesifiek só 'n opdrag gegee nie. Interpretasies verskil of IKOSA 'n hoofstuk nege instelling is (of nie).
Parlementêre hersiening In Oktober 2006 is 'n ad hoc-parlementêre komitee gestig om die hoofstuk nege liggame te ondersoek rakende indiensnemingsprosedures en institusionele bestuur. Die uitgawes aan die instellings en hul gebrek aan mandaat om buite die land te funksioneer, was ook kommerwekkend. Die komitee het aanbeveel dat 'n direktoraat, onder die kantoor van die speaker, saamgestel moet word om te skakel met die instellings.
Verwysings
Eksterne skakels
Text of Chapter 9 at South African Government Information
Kategorie:Grondwet van Suid-Afrika Kategorie:Suid-Afrikaanse openbare beskermers