Pous Lucius I

Lucius I was die 22ste pous van die Rooms-Katolieke Kerk.

Biografie Pous Lucius I is in Rome gebore en sy pa se naam was Porfirian. Op 25 Junie 253 volg hy Pous Cornelius op en word op 5 Maart 254 opgevolg deur Pous Stefanus I. Die naam Lucius beteken "ligbringer".

Pontifikaat Kort na sy verkiesing word hy uit Rome verban deur keiser Trebonianus Gallus, maar kry toestemming om terug te keer. Hy het saamblyery van ongetroudes afgekeur. Tydens sy pontifikaat het die Christene baie swaar gekry en moes alles insit om te oorleef. Cyprianus noem hom in verskeie briewe as synde in ooreenstemming met sy voorganger Pous Cornelius oor die hertoelating van berouvolle sondaars.

Verering Lucius word as martelaar en heilige vereer. Sy gedenkdag is op 4 Maart en hy is heiligverklaar op 25 Augustus. Sy grafsteen kan gesien word in die Callixtus katakombe. Sy relieke word bewaar in die Santa Maria kerk in Trastevere, saam met die van Sint Cecilia. Sy kop word bewaar in die reliekskryn van die Sint Ansgar katedraal in Kopenhagen nadat dit eers in Roskilde gehuisves was. In die jaar 1100 of daaromtrent word hy uitgeroep as die beskermheilige van die Deense provinsie Seeland. Dit is een van die min relieke in Denemarke wat die Hervorming oorleef het.

Eksterne skakels

Nota Saamgestel uit die Nederlandse, Engelse, Duitse en Franse wiki’s.

Opvolging

Kategorie:Geboortes in 200 Lucius I Lucius I Kategorie:Sterftes in 254