Hoya is 'n plantgenus in die oleander-familie (Apocynaceae). Dit is voorheen beskou as 'n lid van die aasblomfamilie (Asclepiadaceae), voordat die hele Asclepiadaceae ingelyf is by die oleander-familie. Hoyas kom oorspronklik van Suidoos-Asië, Australië en Nieu-Guinee. The World Checklist of Selected Plant Families erken meer as 520 verskillende soorte.World Checklist of Selected Plant Families
Hoyas staan algemeen beken as porseleinblomme of wasplante. Die genus is vernoem deur die botanis Robert Brown, ter ere van sy vriend, die botanis Thomas Hoy.
Die spesies is gewoonlik meerjarige klimplante of soms struike met melksap. Sommige spesies klim uit die grond opwaarts teen bome of heuwels, maar die meeste is epifiete. Hulle klim deur hulself te vleg om boomstompe en met die hulp van lugwortels. Die sukkulente blare is teenstandig, maar die vorm, hoeveelheid hare, dikte, bearing en kleur van die melksap wissel baie.
Die blomme sit in 'n skerm op 'n steel vanuit die bladoksel. Hul is vyfpuntig met saamgesmelte blomblare en 'n komplekse morfologie. Nektar word geproduseer in 'n blombekleedsel. Meeldrade en stempels is ineengegroei in 'n gynostegium. Stuifmeel is versamel in twee pollinia op elke meeldraad en word as 'n geheel oorgedra deur bestuiwers na die volgende blom. Daar bestaan nie baie navorsing op Hoya bestuiwing nie, maar ratsvlieërskoenlappers en pylstertmotte is bepaal as bestuiwers vir sommige spesies.
Die vrug is 'n smal, silindriese kokervrug met talle harige sade. Die kapsules sit individueel en nie in pare soos dit normaalweg in die subfamilie Asclepiadoideae verskyn nie.
Byna 600 variëteite is al beskryf in die genus Hoya, maar ietwat meer as 300 tipes is 'n meer realistiese getal. Hulle groei in hul verskeie vorms in die tropiese en subtropiese woude van Indië, China en Japan tot Australië en die Stille Oseaan-eilande. Verskeie spesies word gekweek as huisplante, insluitend die algemene wasblom (Hoya carnosa) en die dwergwasblom (Hoya lanceolata subsp. bella).
Geselekteerde spesies
Die volgende spesies verskyn in Albers & Meve (2002), en word aanvaar deur beide The Plant List en Tropicos.
Hoya anulata – Australië (Queensland), Indonesië (Irian Jaya), Nieu-Guinee Hoya archboldiana – Indonesië, Nieu-Guinee Hoya australis – Australië, Fiji, Indonesië (Irian Jaya), Nieu-Guinee, Salomonseilande, Tonga Hoya australis ssp. australis – Australië (Queensland, New South Wales), Samoa, Vanuatu Hoya australis ssp. oramicola – Australië (Northern Territory) Hoya australis ssp. rupicola – Australië (Western Australia, Northern Territory) Hoya australis ssp. sanae Australië (Queensland) Hoya australis ssp. tenuipes – Australië (Queensland), Fiji, Indonesië (Irian Jaya), Nieu-Guinee, Salomonseilande, Tonga Hoya benguetensis – Filippyne Hoya bilobata – Filippyne Hoya bordenii – Filippyne Hoya calycina – Indonesië, Nieu-Guinee Hoya calycina ssp. calycina Indonesië (Irian Jaya), Nieu-Guinee Hoya calycina ssp. glabrifolia – Indonesië (Irian Jaya), Nieu-Guinee Hoya carnosa – S. China, Indië, Japan, Taiwan, Australië (Queensland), Fiji Hoya caudata – Maleisië (Malacca), S. Thailand Hoya celebica Hoya cinnamomifolia – Indonesië (Java) Hoya coriacea – Maleisië, Filippyne, Thailand Hoya crassicaulis – Filippyne Hoya cumingiana – Filippyne Hoya diptera – Fiji (Viti Levu, Taviuni) Hoya diversifolia – Kambodja, Indonesië (Borneo, Java, Sumatra), Laos, Maleisië, Myanmar, Filippyne, Singapoer, S. Thailand, S. Vietnam Hoya eitapensis – Nieu-Guinee Hoya elliptica – Maleisië, Thailand, Singapoer Hoya engleriana – Kambodja, Laos, Thailand, Vietnam Hoya erythrostemma – Maleisië, Myanmar, S. Thailand Hoya finlaysonii – Indonesië (Borneo, Sumatra), Maleisië, Myanmar, S. Thailand Hoya fuscomarginata – Slegs bekend in kweking. Hoya globulosa – Indië (Sikkim), Nepal Hoya heuschkeliana – Filippyne (Luzon) Hoya hypolasia – Nieu-Guinee Hoya imbricata – Indonesië (Sulawesi), Filippyne Hoya imperialis - Filippyne, Maleisië Hoya inconspicua – Australië (Queensland), Nieu-Guinee, Salomonseilande Hoya kentiana – Filippyne Hoya kerrii – China, Kambodja, Indonesië (Java), Laos, NW. Thailand, S. Vietnam Hoya lacunosa – Indië, China, Maleisië, Singapoer, Thailand, Indonesië (Borneo, Java, Sumatra) Hoya lanceolata – Indië, Nepal, Bhoetan, Myanmar Hoya lanceolata ssp. bella – Indië, Nepal, S. Myanmar Hoya lanceolata ssp. lanceolata – Bhoetan, Indië, Myanmar, Nepal Hoya latifolia – Myanmar, Maleisië, S. Thailand, Indonesië (Borneo, Java, Sumatra) Hoya limoniaca – Nieu-Kaledonië Hoya linearis – China (Yunnan), Indië (Sikkim), Nepal Hoya longifolia – Bhoetan, China, Indië, Nepal, Pakistan, Singapoer, Thailand Hoya macgillivrayi – Australië (Queensland) Hoya macrophylla – Indonesië (Borneo, Java) Hoya magnifica – Nieu-Guinee Hoya megalaster – Nieu-Guinee Hoya meliflua – Filippyne Hoya meredithii – Maleisië(Borneo) Hoya mindorensis – Filippyne Hoya multiflora – China, Indonesië, Laos, Maleisië, Myanmar, Filippyne, Thailand, Vietnam Hoya nicholsoniae – Australië (Queensland), Nieu-Guinee, Salomonseilande Hoya nummularioides – Kambodja, Laos, Thailand, Vietnam Hoya obovata – Indië, Indonesië, Thailand, Fiji Hoya obscura – Filippyne Hoya pachyclada – Thailand Hoya parviflora – Indië, Maleisië, Myanmar, Indonesië, Thailand Hoya parvifolia – Indonesië (Sumatra) Hoya pauciflora – Indië (Malabar, Kerala), Sri Lanka Hoya pottsii – Australië (Queensland) Hoya pubicalyx – Filippyne Hoya purpureo-fusca – Indonesië (Java) Hoya retusa – Indië (Assam, Bombay Provinsie), Indonesië (Sulawesi) Hoya revoluta – Kambodja, Indonesië (Borneo, Java, Sumatra), Laos, Maleisië(Malacca), S. Thailand, Vietnam Hoya serpens – Australië (Queensland), Indië (E. Himalaya), Nepal Hoya shepherdii – SW. China, Indië Hoya siamica – Kambodja, Indië, Laos, NW. Thailand, Vietnam Hoya sussuela - Australië (Queensland), Nieu-Guinee, Maleisië Hoya thailandica – Thailand (Chang Mai) Hoya thomsonii – China (Xizang), Indië (Assam) Hoya tsangii – China, Filippyne (Mindanao) Hoya verticillata – Brunei, Kambodja, Oos Indië, Indonesië (Borneo, Java, Sulawesi, Sumatra), Laos, Maleisië, Thailand, Singapoer Hoya vitellina – Indonesië (Java)
Verwysings
Literatuur
Eksterne skakels links|duimnael|Hoya pubicalyx
UGA research shows some plants can remove indoor pollutants December 2, 2009
Kategorie:Apocynaceae Kategorie:Plante