Die Kikuyu of Gikuyu (Kikuyu: Gĩkũyũ) is die grootste etniese groep in Kenia. Volgens die nasionale sensus van 2009 leef sowat 6,6 miljoen Kikuyu in Kenia, sowat 17% van dié land se bevolking.2009 Population & Housing Census, Wayback Machine. Staatsdepartement vir Beplanning , geargiveer op 10 Augustus 2013 Hulle praat Kikuyu, 'n Bantoetaal binne die Niger-Kongo-taalfamilie, as moedertaal, maar ook Swahili en Engels, die twee amptelike tale van Kenia, as lingua franca.
duimnael|links|'n tradisionele Kikuyu-hut naby Nairobi, Kenia Die term Kikuyu is die Swahili-woord van die volk se eienaam Gĩkũyũ. Gĩkũyũ beteken "groot wildevyeboom" (mũkũyũ)" en Agĩkũyũ "kinders van die groot wildevyeboom". Die alternatiewe benaming Nyũmba ya Mũmbi beteken "Huis van die Pottebakker of Skepper". In die 1950's het hulle die stryd om onafhanklikheid teen die Britse koloniale mag aangevoer en vir baie jare groot sektore van die ekonomie en die politiek van die onafhanklike Kenia gedomineer, wat dikwels in die afgelope dekades tot konflikte met ander etniese groepe gelei het. Een van die bekendste Kikuyu is Jomo Kenyatta, die eerste president van Kenia, wat as die "vader" van die moderne en onafhanklike Kenia beskou word.
Verwysings
Eksterne skakels
Kategorie:Etniese groepe in Kenia Kategorie:Bantoevolke