Die Slankveër (Parapriacanthus ransonneti) is 'n vis wat voorkom in die Indies-Pasifiese area en aan die ooskus van Afrika vanaf Oman tot by Koffiebaai. Dit kom nie in die Rooisee voor nie. In Engels staan die vis bekend as die Slender sweeper.
Voorkoms Die vis se lyf is 'n dowwe pienk of geelgroen en die pens en kante van die kop is silwergeel. Daar is 'n nou, donker ring rondom die stertvin se basis terwyl die stertvin se punte bruinerig is. Die vis word 10 cm lank.
Habitat Die vis kom voor in koraal- en rotsriwwe in water wat 4 – 50 m diep is. Die vis vorm groot skole wat in grotte of by rotsrifwande voorkom.
Sien ook Alfabetiese lys van visse Lys van Suider-Afrikaanse visse volgens wetenskaplike name Lys van varswater visfamilies Lys van visfamilies
Bron Coastal Fishes of Southern Africa. Phil & Elaine Heemstra. 2004.
Verwysings
Eksterne skakel http://fishbase.org/summary/Parapriacanthus-ransonneti.html
Kategorie:Beenvisse