Die vlag van die Madeiraeilande, ’n eilandgroep onder Portugese beheer, is op 28 Julie 1978 amptelik in gebruik geneem. Die vlag vertoon ’n vertikale tweekleur in drie ewe breë bane (vanaf die vlagpaalkant) in blou, geel en blou met die Kruis van Christus in die geel baan.
Simboliek Die blou op die vlag simboliseer die Atlantiese Oseaan waarin die eilandgroep geleë is en die geel baan simboliseer die gunstige klimaat wat welvaart tot gevolg gehad het. Die kruis herinner aan twee kapteins van prins Hendrik die Seevaarder, wie lede van die Orde van Christus was. In 1419 het die kapteins op een van die eilande gestrand en het uit dankbaarheid daardie eiland Porto Santo (“Heilige Hawe”) genoem. Die jaar daarna is ’n ekspedisie gestuur om die eilandgroep te bevolk en onder Portugese gesag te bring.
Ander vlae
Sien ook
Eksterne skakels
Madeira by Flags of the World.
Kategorie:Madeiraeilande Madeira