The Odyssey is 'n opkomende epiese fantasie-aksiefilm geskryf en geregisseer deur Christopher Nolan.Christopher Nolan Says ‘The Odyssey’ Has the ‘Original Superheroes’ and Homer Was the ‘Marvel of Its Day’Christopher Nolan Praises Tom Holland’s “Incredible Talent” & Says ‘The Odyssey’s Source Material Is The “Marvel Of Its Day” Dit is 'n verwerking van Homeros se antieke Griekse epiese verhaal die Odusseia, met Matt Damon as Odusseus, die Griekse koning van Ithaca, en beskryf sy lang en gevaarlike reis huiswaarts na die Trojaanse Oorlog, terwyl hy probeer om weer met sy vrou, Penelope, vertolk deur Anne Hathaway, te herenig. Die rolverdeling sluit ook onder andere Tom Holland, Robert Pattinson, Lupita Nyong'o, Zendaya en Charlize Theron in. Nolan en sy vrou Emma Thomas vervaardig die film deur hul produksiemaatskappy, Syncopy.
Nolan het in Maart 2024 begin skryf aan The Odyssey. Die film is in Desember van dieselfde jaar aangekondig. Matt Damon is in Februarie 2025 vir die hoofrol bevestig. Nolan het gekies om 'n realistiese interpretasie van die Griekse mitologie uit te beeld en het inspirasie geput uit die 2017-vertaling van die Odusseia deur die Brits-Amerikaanse klassikus Emily Wilson asook die films van die spesiale-effekte-kunstenaar Ray Harryhausen. Verfilming het van Februarie tot Augustus 2025 plaasgevind in Marokko, Griekeland, Italië, Skotland, Ysland, Wes-Sahara en Malta, sowel as by 'n ateljee-klankverhoog in Los Angeles. Met 'n geraamde begroting van $250 miljoen, is die film die duurste van Nolan se loopbaan en sy eerste wat volledig op IMAX se 70 mm film kameras vasgelê is. Die kostuumontwerpe het besprekings oor historiese onakkuraathede in die aanloop tot die film se vrystelling ontketen.
The Odyssey is geskeduleer om op 17 Julie 2026 in die Verenigde State deur Universal Pictures in teaters vrygestel te word.
Hoofrolspelers Matt Damon as Odusseus Tom Holland as Telemachus Anne Hathaway as Penelope Robert Pattinson as Antinoös Zendaya as Atena Charlize Theron as Kalipso
Verwysings
Eksterne skakels
Kategorie:Amerikaanse rolprente Kategorie:Britse rolprente