Voortvlugtige spioen is 'n Afrikaanse rolprent wat in 1974 vrygestel is. Die film is deur Harald Philip geregisseer met 'n draaiboek gebaseer op die roman Voortvlugtige spioen deur Heinz Konsalik, vervaardig deur Centaurus Films.
Sinopsis
In die filmweergawe van Voortvlugtige spioen word verskeie CIA-agente op 'n gevaarlike sending na Komssa, 'n Russiese militêre sone in die Siberiese yswoestyn, gestuur. Die CIA benodig tegniese inligting oor die Russiese ruimtevaartsentrum wat daar gebou word. Frank Heller (Thomas Hunter) begin werk as 'n nywerheidsingenieur by die vuurpylbasis se houtwerkplaas, waar hy vir Ludmilla Antonova (Marie Versini), die politieke sekretaris van die houtwerke, ontmoet. Sy help hom om sy sending te voltooi. Intussen verneem Heller egter dat sy Moskou-kontak, Markjoff (Marius Weyers), en sy vriendin, Nadja (Sandra Prinsloo), deur die KGB gearresteer is. Heller en Ludmilla vlug dan van die basis af weg.
Rolverdeling
Die rolverdeling is Thomas Hunter (as Frank Heller), Marie Versini (as Ludmilla Antonova), Marius Weyers (as Markjoff) en Sandra Prinsloo (as Nadja).
Verwysings