duimnael Helmuth Karl Bernhard Graf von Moltke (26 Oktober 1800 – 24 April 1891) was 'n Pruisiese veldmaarskalk. Hy was die stafhoof van die Pruisiese leër vir dertig jaar en word beskou as die skepper van 'n nuwe, meer moderne metode om leërs in die veld te rig en een van die beste militêre denkers van sy generasie. Hy het troepe in Europa en die Midde-Ooste aangevoer, in die Tweede Sleeswyk-oorlog, die Oostenryks-Pruisiese Oorlog en die Frans-Duitse Oorlog. Hy word beskryf as die beliggaming van "Pruisiese militêre organisasie en taktiese genie". Hy was gefassineer deur spoorweë en was 'n baanbreker in hul militêre gebruik. Hy word dikwels Moltke die Ouere genoem om hom te onderskei van sy neef Helmuth von Moltke die Jongere (Helmuth Johann Ludwig von Moltke), wat die Duitse leër aangevoer het met die uitbreek van die Eerste Wêreldoorlog. Hy is veral die vroegste mens wie se opgeneemde stem bewaar gebly het, aangesien hy in die laaste jaar van die 18de eeu (1800) gebore is. Hy het vier opnames gemaak; twee wat in Oktober 1889 opgeneem is, word tot vandag toe bewaar gebly.
Bronnelys
Moltke, Helmuth Carl Bernhard, Count von, volume=18 , bl. 677–681, Henry Spenser Wilkinson.
Eksterne skakels
Kategorie:Duitse militariste Kategorie:Geboortes in 1800 Kategorie:Sterftes in 1891