Minna Lewinson (28 Junie 1897 – 19 November 1938) was 'n Amerikaanse joernalis en die gesamentlike wenner van die 1918 Pulitzer-prys vir Koerantgeskiedenis saam met Henry Beetle Hough. Sy is bekend as die eerste vrou wat 'n Pulitzer-prys vir joernalistiek gewen het en ook die eerste wat vir The Wall Street Journal gewerk het.Minna Lewinson and Henry Beetle Hough, students at the School of Journalism, Columbia UniversityShe Was The Times’s First Female Pulitzer Winner
Biografie Lewinson is in 1897 in New York gebore en het by Barnard College van die Columbia Universiteit joernalistiek studeer en 'n B.Litt verwerf. Sy was in 1918 een van 11 vroulike gegradueerdes van die Columbia University Graduate School of Journalism, vergeleke met agt mans. Dit was destyds ongekend. Vroue het slegs omvattende toegang tot die skool gekry weens 'n oorlogstydse tekort aan manlike joernaliste.
Lewinson was die eerste vrou wat 'n Pulitzer-prys vir joernalistiek gewen het.Rush, Ramona R.; Oukrop, Carol E.; Creedon, Pamela J. (April 3, 2013). Seeking Equity for Women in Journalism and Mass Communication Education: A 30-year Update. Taylor & Francis. ISBN 9781135624002. Lewinson en Henry Beetle Hough is gesamentlik bekroon met die 1918 Pulitzer-prys vir Koerantgeskiedenis vir 'n navorsingsartikel wat getiteld is as, "A History of the Services Rendered to the Public by the American Press during the Year 1917". Die artikel is deur die eweknie-beoordelaars beskryf is as "die beste geskiedenis van dienste wat aan die publiek gelewer is deur die Amerikaanse pers gedurende die voorafgaande jaar".
Die prys was $1 000 werd, en die spesifieke pryskategorie is slegs eenmalig toegeken. Jurie-aantekeninge dui aan dat die prys elke jaar vanaf die eerste seremonie in 1917 tot 1924 wel vir toekenning oorweeg is. Die prys is egter in 1925 van die lys van pryse verwyder, met steeds slegs twee ontvangers; Lewinson en Hough.
Lewinson was die eerste vrou wat in 1918 deur die Wall Street Journal aangestel is en het as 'n kopie-redakteur gewerk. Sy het die koerant in 1923 verlaat, en geen ander vroue is vir verskeie dekades daarna deur die joernaal aangestel nie.Kaszuba, David (December 2003). They are Women, Hear Them Roar: Female Sportswriters of the Roaring Twenties (PhD thesis). The Pennsylvania State University The Graduate School College of Communications. Lewinson het ook gewerk as 'n kopieskrywer, verslaggewer en rubriekskrywer vir Daily Investment News, en ook as 'n verslaggewer vir Women's Wear Daily .
Sy is in 1938 op die ouderdom van 41 jaar aan Hodgkin limfoom oorlede.
Verwysings
Eksterne skakels
Kategorie:Sterftes in 1938 Kategorie:Geboortes in 1897 Kategorie:Joernaliste Kategorie:Joernalistiek Kategorie:Skrywers Kategorie:Pulitzerprys Kategorie:Vroue Kategorie:Geskiedenis Kategorie:Verenigde State van Amerika Kategorie:Amerika Kategorie:Amerikaanse joernaliste Kategorie:New York