André die skreeusnaakse hipnotiseur (gebore 12 Desember 1969) is 'n Suid-Afrikaanse verhooghipnotiseur, komediant en televisieaanbieder. André het al verskeie toekennings ontvang vir die komiese aard van sy vertonings, en sy televisieprogram ("Skaterlag met André"). Hy het 'n erkenning ontvang as die mees kreatiewe program op TV daardie jaar. André die skreeusnaakse hipnotiseur het 'n maatskappy genaamd "Standing Room Only" gestig. Hierdie agentskap was nie net verantwoordelik vir André se toer nie, maar het ook verskeie ander kunstenaars bestuur.
Vroeë lewe en loopbaan André het op 'n jong ouderdom sy loopbaan in die teaterbedryf begin. Op die ouderdom van 4 was André reeds in sy eie televisie-advertensies te sien, en op die ouderdom van 12 het hy aan verskeie teaterproduksies regoor Suid-Afrika deelgeneem. André het by 'n Afrikaansmedium hoërskool, Hoërskool Roodepoort, skool gegaan en in 1987 gematrikuleer. Alhoewel André bestem was om in die teater- en televisiebedryf te werk, het hy besluit om eers sy militêre diensplig te voltooi. In hierdie tyd is André die geleentheid gebied om Suid-Afrikaanse troepe tydens die Angolese Grensoorlog te vermaak. Die "André die Skreeusnaakse Hipnose"-vertonings word vir die eerste keer van April tot Desember 1994 op die verhoog aangebied. André neem sy vertoning op die pad onder die bestuur van IMP en speel vir uitverkope teaters. In Februarie 2001 keer André terug na Suid-Afrika en begin met die vervaardiging van sy eerste TV-program. In 2003 gebaseer op die sukses van die eerste reeks, is opdrag gegee vir 'n 13-delige seisoen om op kykNET (DSTV) vertoon te word saam met bekende Suid-Afrikaanse kunstenaars soos Dowwe Dolla, Kurt Darren, Dozi, Steve Hofmeyer, Thys die Bosveldklong, Serantie Reeders, Helenè Bester, Jacque De Koning. In 2004 word André se eerste boek, “I can juggle now” gepubliseer en word 'n blitsverkoper. Die publikasie van die boek is in 2010 gestaak. In 2020/22 neem André sy vertoning na die Verenigde Koninkryk vir 'n tydperk van twee jaar as gevolg van die Covid-19-pandemie se invloed op teaterbeskikbaarheid in Suid-Afrika.
In November 2024 bestyg André weer die verhoog vir sy derde TV-reeks van 13 episodes. Hierdie TV-program het die terugkeer van bekende gesigte soos Frans Swart (Lefra) gesien, wat 'n deurslaggewende rol in al drie sy televisieseisoene gespeel het. Die program word sedert 8 Januarie 2025 op 'n nuwe Afrikaanse kanaal Via TV, deel van die DStv-portefeulje, uitgesaai. Dit is met groot entoesiasme begroet, en André het weereens die verhoog gedeel met kunstenaars soos Kurt Darren en Fatman. Benewens sy eie televisiereeks, verskyn André op talle gewilde hoofstroomtelevisie- en radioprogramme regoor Suid-Afrika.
Televisie Laataand met Riaan Ontbyt ETV Paella - kykNET Die Groot Ontbyt Dali Tambo - Late Night Talk Show - ETV Top Billing - DSTV
Verwysings
Kategorie:Vermaak in Suid-Afrika