Moenie Heilbron in die Vrystaat met Heilbronn in Duitsland verwar nie.
Heilbron is 'n dorp in die Noordoos-Vrystaat, in Suid-Afrika.
Geskiedenis duimnael|links|Die NG moederkerk Heilbron, ontwerp deur David McArthur, is in 1885 ingewy duimnael|links|Die Gereformeerde kerk Heilbron duimnael|Bron van heil In 1872 is die plaas Rietfontein aangekoop waarop 'n nuwe dorp uitgelê is. Erwe is in dieselfde jaar verkoop. Die dorp het sy naam van die sterk warmwaterbron daar naby verkry. Munisipale status is in 1890 toegeken. Tydens die Tweede Vryheidsoorlog was Heilbron die hoofstad van die Vrystaat toe president MT Steyn sy hoofkwartier daar gehad het. Toe die Britte die dorpie daarna beset het, het die regering na 'n koppie tussen Heilbron en Frankfort verskuif. Die koppie staan vandag nog bekend as Presidentkoppie.
In 1836 het die Voortrekkers die plaaslike mense van die Ndebele-hoofman Mzilikazi tydens die Slag van Vegkop, naby die huidige dorp Heilbron, afgeweer. Hierdie historiese terrein by Vegkop lê 25 km suid van die dorp spog met 'n monument en 'n moderne museum, wat albei gewilde bestemmings vir toeriste is wat die historiese slagvelde besoek.
Bron van Heil of Phiritona Heilbron is amptelik in 1873 gestig. Die dorp het ontstaan by 'n standhoudende natuurlike fontein – vandaar die naam 'Heilbron' (wat "Bron van Heil" of "Bron van Saligheid" beteken). Die fontein is die oorsprong van 'n klein stroompie wat deur die dorp vloei. Verskeie groepies mense het reeds eeue lank aan die oewers van die stroompie gewoon.
Nadat Bloemfontein tydens die Anglo-Boereoorlog deur Britse magte verower is (op 13 Maart 1900), is Heilbron tot hoofstad van die onafhanklike Boererepubliek van die Oranje-Vrystaat verklaar. 'n Paar weke na die val van Bloemfontein is Heilbron ook beset, en president Steyn het die hoofstad na Frankfort – nog 'n dorp in die noordelike Vrystaat – verskuif.
Teen 18 Mei 1900 was die Oranje-Vrystaat verslaan; dit is deur Brittanje geannekseer en hernoem na die Oranjerivierkolonie. Menige Boerevegters het geweier om oor te gee. Die gebied rondom Heilbron was 'n brandpunt vir guerrilla-aktiwiteite.
Distrik Die distrik is 3 580 km² groot. Gemengde boerdery word beoefen – mielies, koring, sorghum, sonneblomsaad, vee en suiwelprodukte.
Sien ook Koppiesdam Gereformeerde kerk Heilbron NG gemeente Heilbron Lys van dorpe in Suid-Afrika
Bronnelys Op Pad in Suid-Afrika. B.P.J. Erasmus. 1995. Ensiklopedie van Suidelike Afrika, Eric Rosenthal, 1967
Verwysings
Eksterne skakels
Kategorie:Nedersettings in die Vrystaat