Die Kromellenboogdam in die Klein-Maricorivier in Noordwes verskaf water vir besproeiing aan die omliggende plase.
Hierdie dam se wal is by die koördinate 25° 27′ 27.7″ suid, 26° 20′ 42.3″ oos en ongeveer 6 km stroomop van die samevloeiing met die Groot-Maricoriver. Dit lê teen die noordwestelike hoek van die Marico Bosveld-natuurreservaat, by die nedersetting Riekertsdam, 17.5 km van die dorp Groot Marico en noordoos van Zeerust.
Die grondwal is 614 m lank en dit veroorsaak ‘n meer met ‘n oppervlakte van 240 ha. Toe die dam in 1956 voltooi is, het dit ‘n maksimum volume van 4 000 morgenvoet, d.w.s. ‘n 10 miljoen m³, gehad.
Hengelaars vang gereeld hier vis. In tye van kwaai droogte, vrek baie van die visse.
Lees ook Lys van grootste damme in Suid-Afrika
Verwysings
Bibliografie Standard Encyclopaedia of Southern Africa, deel 6. Kaapstad: Nasou, 1972.
Kategorie:Noordwes Kategorie:Damme van Suid-Afrika