Brenda D. Wingfield is 'n Suid-Afrikaanse professor in genetika en vorige adjunkdekaan van die Universiteit van Pretoria. Sy is bekend vir haar genetiese studies van swamboompatogene.
Lewe Brenda D. Fairbairn is in Zambië gebore en in Zimbabwe opgevoed. Op Hoërskool het sy gevind dat sy genetika geniet en verder aan die Universiteit van Natal gaan studeer. Sy het 'n B.Sc. Hons Med van die Universiteit van Kaapstad, meestersgraad van die Universiteit van Minnesota en PhD van die Universiteit van Stellenbosch (1989) behaal. In die laat 1990's het sy by die Universiteit van Pretoria begin werk. Sy was een van die stigterslede van die Bosbou- en Landboubiotegnologie-instituut.
Sy het meer as 400 artikels oor genetika gepubliseer en meer as 50 onderskeidelik Meesters- en PhD-studente opgelei. Wingfield beklee die South African Research Chairs Initiative (SARChI) Leerstoel in Swamgenomika.
Navorsing Wingfield se werk fokus op swamme wat as boompatogene optree. In samewerking met haar navorsing werk sy saam met die Suid-Afrikaanse bosboubedryf.
Toekennings Wingfield was 'n ontvanger van die Christiaan Hendrik Persoon-medalje vir haar wetenskaplike prestasies van die Suider-Afrikaanse Vereniging vir Plantpatologie. Sy was ook die eerste vrou wat dié eerbewys ontvang het. In 2013 het sy 'n A-gradering van die Nasionale Navorsingstigting ontvang. Sy is in 2014 deur die Nasionale Wetenskap- en Tegnologieforum erken vir haar navorsingswerk. In 2016 het 'n Oppenheimer Memorial Trust 'n Harry Oppenheimer Fellowship-toekenning aan haar toegeken. Sy is in 2017 met 'n erelidmaatskap van die Mycological Society of America (MSA) toegeken, sy is ook 'n lid van die American Phytopathological Society.
Verwysings
Kategorie:Lewende mense Kategorie:Suid-Afrikaanse wetenskaplikes