thumb|Michael Schønwandt (2018) Michael Detlev Schønwandt (* 10 September 1953, Frederiksberg) is 'n Deense dirigent. Hy het klavier, teorie en komposisie in Denemarke gestudeeer en sy studies voortgesit aan die Royal Academy of Music in Londen.
Biografie In 1979 het Schønwandt die pos van 'permanente dirigent' bekom by die Koninklike Opera in Kopenhagen. Schønwandt was van 2000 tot 2011 musiekdirekteur van die Koninklike Deense Orkes en die Kopenhagen Operahuis. Sy werk in kontemporêre opera behels die dirigeer van die wêreldpremière van Poul Ruders se operas Die Diensmeisie se Verhaal en Danser in die Donkerte. In 2006 het hy die Koninklike Opera gedirigeer in 'n opvoering van Wagner se Der Ring des Nibelungen, wat vrygestel is in DVD formaat deur Decca Records.
Schønwandt was hoof-gasdirigent van die Théâtre National de La Monnaie van 1984 tot 1987, en het van 1987 tot 2000 dieselfde pos gehad by die Deense Nasionale Simfonieorkes. Schønwandt het ook van 1992 tot 1998 gedien as hoofdirigent van die Berliner Sinfonie-Orchester. In Mei 2009 is Schønwandt aangestel as hoofdirigent van die Nederlandse Radio-kamerfilharmonie Hy het in Augustus 2010 die pos aanvaar, wat hy gehou het tot die orkes se ontbinding in 2013.
Schønwandt is met ingang 2015 hoofdirigent van die Opéra Orchestre National de Montpellier in Frankryk.
Schønwandt se opnames sluit die operas, simfonieë en concertos in van Carl Nielsen. Benewens hierdie werke het hy ook verskeie operaopnames gemaak, soos byvoorbeeld Strauss se Salome.
In 2005 is Schønwandt tot Ridder 1ste Klas geslaan van die Orde van Dannebrog, en in 2011 is hy benoem as Kommandeur van die Orde van Dannebrog.
Geselekteerde opnames
Hector Berlioz, Requiem, James Wagner, tenoor, Ernst-Senff Choir, Rundfunkchor Berlin, Berliner Sinfonie-Orchestra, dirigent, Michael Schønwandt. CD Kontrapunkt 1993 (opgeneem in April 1992)
Verwysings
Eksterne skakels Ingpen & Williams agentskap webtuiste Nederlandse Radio-Kamerfilharmonie se biografie van Schønwandt
Kategorie:Geboortes in 1953 Kategorie:Lewende mense Kategorie:Deense musici